Viveiru ai-oan iha Maubara. Imajen/Egas Cristovão.

DILI, 17 janeiru 2022 (TATOLI)—Ministériu Agrikultura no Peska (MAP) liuhosi Jestaun Floresta Basios Hidrográficas no Áreas Mangais, iha tinan 2021 ne’e distribui ona ai-oan hamutuk millaun ida ba komunnidade iha territóriu nasionál.

Diretór Nasionál Jestaun Floresta Bacias Hidrográficas no Áreas Mangais, Adalfredo do Rosário Ferreira, hateten ai-oan sira-ne’e MAP prepara liuhosi sentru viveiru lokaliza iha postu administrativu Maubara, viveiru permanente lokaliza iha Manufahi no viveiru komunitária iha Lautém no Viqueque.

Diretór Nasionál Jestaun Floresta Basios Hidrográficas no Áreas Mangais, Adalfredo do Rosário Ferreira. Imajen Tatoli /Celestina Teles.

“Ita la’ós ko’alia de’it reflorestasaun, ita ko’alia uluk prepara fini ai-oan entaun durante ne’e ita iha viveiru ne’ebé naton kategória ba viveiru klase,  sentru viveiru, viveiru permanente no viveiru  komunitária ita estabele iha postu sira. Hosi ne’e mak ita garante prodús ai-oan ba tinan ne’e bele atinje milliaun ida resin,” Adalfredo do Rosário Ferreira informa ba Agência Tatoli, iha nia knar fatin, Caicoli, Dili, segunda ne’e.

Iha époka 2020-2021 ne’e, konsege atinje hodi halo viveiru ai-oan tanba orsamentu sufisiente, nune’e laiha programa reflorestsaun maibé iha programa pilotu reflorestasaun iha Dili no iha ne’ebé estabelese liuhosi kooperasaun UNDP hodi halo manutensaun.

“Ami hosi dirasaun jerál, ami laiha programa reflorestasaun ne’ebé mak ita ko’alia maibé ami iha pilotu reflorestasaun iha área Dili nomós fatin seluk ne’ebé mak uluk ami estabelese ona liuhosi koopersaun liuhosi UNDP, ami halo manutensaun ba área sira-ne’e,” nia dehan.

Hafoin halo viveiru, dirasaun ne’e distribui ba komunidade ho gratuita ne’ebé ho nia prosedimentu, kounidade tenke hato’o pedidu no tenke fó asisténsia hodi kuidadu ai-oan sira-ne’e hafoin sira kuda.

Hosi programa refere, dirasaun ne’e garante ai-oan ne’ebé mak durante ne’e distribui ba komunidade bazea ba mapamentu taxa kuda ai-oan ne’ebé moris liuhosi 60% ne’ebé mak distribui ba komunidade.

Durante ne’e, dirasaun floresta prepara ai-oan produsaun ba indústria no mós ai-fuan, ai-oan ba konservasaun hodi proteje foho lolon hanesan au, ai-kakeu no ai-urbana ne’ebé kuda iha sidade hanesan ai-kasi no tebabuia kona-ba ai-kameli uitoan de’it, tanba defisil uitoan maibé ho selebrasaun tinan-tinan enkoraja komunidade atu kuda ai-kameli nafatin.

“Ita agradese, iha tinan kotuk liuhosi pakote orsamentu rekoperasaun ekonómia, ba klase Viveiru permanente iha Maubara ai-oan rihun 2050, iha munisipiu Viqueqeu, Manufahi no Lautém kapasidade produsaun ai-oan hosi rihun 50 to’o rihun 80, viveriu komunitária bele produs ai-oan 20.000,” nia hateten.

Tinan ne’e númeru produsaun ai-oan sei menus alokasaun OJE la hanesan OJE 2020-2021, nune’e tinan ne’e produsaun ai-oan milliaun ida bele to’o de’it rihun 300, tanba OJE  2022 hetan redusaun orsamentu kueze 40% to’o 60%.

Enkuantu, Proposta Orsamentu Jerál Estadu 2021 ne’ebé aloka ba Ministériu Agrikultura no Peska (MAP) ho totál $31.964,258 inklui $5,177,675 ba planu rekuperasaun ekonomia.

MAP sei ezekuta ba kategoria saláriu no vensimentu $4,134,585, bens (sasán) no servisu $14,543,381, kapitál menór $9,763,292, kapitál dezenvolvimentu $2,373,000 no transférensia publika $1,150,000.

Jornalista  : Celestina Teles

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here