Sesaun Plenária Iha Parlamentu Nasionál. Imajen /Egas Cristovão

DILI, 17 janeiru 2022 (TATOLI)—Reprezentante povu iha uma fukun Parlamentu Nasionál husu Ministériu Edukasaun Juventude no Desportu (MEJD) atu halais prodús kaderneta eskolár tanba daudaun ne’e estudante sira-nia valor ne’e hakerek de’it surat-tahan mutin provizóriu de’it.

Notísia Relevante: MEJD sei distribui kaderneta eskolár ba estudante 16.000-resin

“Kaderneta ne’ebé la’o kle’ur ona antes ne’e, ministru edukasaun atual (MEJD) hateten katak iha tempu eis-ministra edukasuan Dulce de Jesus halo ona kontratu tenderizasaun ba iha produsaun nian maibé to’o agora ami seidauk rona nafatin katak kaderneta ne’e iha ona ka seidauk,” Deputada Fretilin, Elena Martins, levanta iha plenária Parlamentu Nasionál, segunda ne’e.

Nia kestiona prosesu ne’ebé la’o iha ministéiru halo prosesu tenderizaun prodús fali iha estranjeiru, nune’e halo buat ne’ebé fasil ne’e sai defisil hotu tanba demora lori tempu ne’ebé kle’ur tebes.

“Buat fasíl ne’ebé atu prodús iha Timor, lori fali ba tenderizasaun ba fali estranjeiru. Tanba ne’e to’o agora eskola hotu-hotu inan-aman labarik sira simu hela de’it nota sira iha surat-tahan,” nia dehan.

Nune’e liuhosi plenária ne’e, nia husu Ministru ba Asuntu Parlamentár no Komunikasaun Sosiál (MAPKOMS), Francisco Jenerónimo,  bele enkamiña hela ba ministériu konpetente atu nune’e ba preokupasaun sira-ne’ebé mai hosi estudante no inan-aman sira-ne’e bele rezolve.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here