Diretora Jerál Ensinu Superiór no Siénsia, Maria Filomena Lay Guterres. Imajen Tatoli/ Egas Cristóvão.

DILI, 17 janeiru 2022 (TATOLI)–Ministériu Ensinu Superiór Siénsia no Kultura (MESSK) to’o agora foin mak simu lista estudante finalista hodi tuir graduasaun hosi universidade 11 hamutuk 4.158.

Diretora Jerál Ensinu Superiór no no Siénsia, Maria Filomena Lay Guterres, relata, durante Estadu Emerjénsia iha tinan 2021, mosu impaktu ba selebrasaun graduasaun iha instituisaun ida-idak no situasaun sira hanesan ne’e konsege obriga Universidade Nasionál Timor-Lorosa’e (UNTL) tenke realiza nia graduasaun via online no balun mós to’o agora seidauk gradua.

“Dadus ne’ebé ami hetan iha de’it instituisaun 11 maka selebra ona graduasaun iha tinan 2021 ho totál graduadu 4.158 maibé iha instituisaun balun seidauk hala’o graduasaun tanba situasaun COVID-19,” Diretora Jerál Maria Filomena hateten ba Agência TATOLI, iha ninia knaar fatin, Colmera, segunda ne’e.

Notísia relevante: Universidade tolu submete lista graduasaun 2.101 ba MESSK

Hosi Unversidade da Paz (UNPAZ) iha graduadu 1.040, Institute of Bussiness (IOB) iha 480, Universidade de Dili (UNDIL) iha 539, Universidade Oriental (UNITAL) iha 501, UNTL iha 600, Dili Institute of Technology (DIT)  iha 335 Instituto Ciência Religiosa (ICR) iha 80, CFP iha 108, East Timor Coffee Institute (ETCI) iha 80 no Institutu Politékniku Betano (IPB) 83, no Instituto Ciências da Saúde (ICS) 292.

“ICR ninia prezensa ba oin sei la realiza tan graduasaun tanba integra ona ba Universidade Katólika Timorense (UCT), ne’ebé ba oin nia sei la hala’o tan ona graduasaun,” nia akresenta.

Entretantu, MESSK mós asesu dadus hosi kandidatu rejime oportunidade ne’ebé atu asesu ba UNTL ho IPB hamutuk 4.179, veteranu nia oan iha 831, Bolsa Hakbiit 1.024, idade 23 iha 20, estranjeiru sia no eskola internasionál ida.

Enkuantu hosi kada munisípiu ne’ebé ninia kandidatu sira partisipa ona iha ezame admisaun, kompostu hosi munisípiu Aileu 133, Ainaro 242, Baucau 431, Bobonaro 199, Covalima 134, Dili 1.127, Ermera 249, Lautém 180, Liquiçá 204, Manatuto 125, Manufahi 141, Oé-cusse 188 no Viqueque 192.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here