Parada Militár ho Bandeira RDTL iha ambitu komemorasaun anivesáriu Komandu Polísia Militár ba dala XVII. Iha resintu PM, segunda (17/01). Imajen Tatoli/Francisco Sony

DILI, 17 janeiru 2022 (TATOLI)— Xefe Estadu Maior Jenerál FALINTIL- Forsa Defeza Timor-Leste (F-FDTL), Tenente Jenerál Lere Anan Timur, hateten, tinan ne’e nuudar últimu anu nia-kareira iha vida militár tanba sei fila ba vida sivíl, nune’e enkoraja ba Unidade Polísia Militár atu kontinua serbisu tuir lei.

Xefe Estadu Maiór Jenerál F-FDTL, Tenente Jenerál Lere Anan Timur, Imajen TATOLI/Francisco Sony

“Ha’u husu ba Polísia Militar kontinua berani hala’o serbisu loron-loron nian labele hetan influensia hodi partidu ka grupu balun. Imi kontinua hatudu imi nian berani, fiar aan halo imi nian servisu loron loron ho profisionál no hatudu nafatin imi nian loyalidade no kumpre regra institusaun nia,” Tenente Jenerál ne’e hatetem iha nia intervesaun bainhira partisipa seremonia aniversáriu Polísia Militár dala-17 ne’ebé halo iha Kintal Boot Dili, segunda ne’e.

Tenente Jenerál observa Unidade PM iha ona mudansa kompara ho tinan hirak liu ba tanba ne’e buka mellora nafatin hodi serbisu ho profisionalizmu.

“Ita bo’ot sira tenke kontinua hatudu profisionalizmu iha situsaun polítiku ne’ebé daudaun ne’e la’o,”Lere fó-hanoin.

Komandante Polísia Militár (CPM-Singla Portugés), Major Abel da Costa “NIKI”. Imajen Tatoli/Francisco Sony

Iha biban hanesan, Komandante Unidade Polísia Militár, Majór Infantaria, Abel da Costa “Nicki”, hateten, maske daudaun Unidade PM enfreta hela difikulade no limitasaun oin-oin, maibé kontinua firme halo nia serbisu ho profisionál ho bazeia ba lei.

“Durante ne’e, Polísia Nasioná Timor-Leste husu ami nian apoia ba seguransa sempre disponivél, halo intervesaun ba kazu ruma ami la haree ba rás ka grupu no ami laiha intensaun atu sai broker ba se de’it, durante ne’e ami halo serbisu tuir lei,” nia akresenta.

Jornalista : Natalino Costa  

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here