Ministru Edukasaun, Juventude no Desportu, Armindo Maia. Imajen TATOLI/Francisco Sony

DILI, 17 janeiru 2022 (TATOLI)—Ministériu Edukasaun Juventude no Desportu (MEJD) prevee ona orsamentu iha kategoria transferénsia públika ho montante $1.680.680,12, atu implementa projetu komunitáriu, ba konstrusaun no reabilitasaun eskola 16 no sala aula 64 iha Dili iha tinan ne’e.

“Projetu komunitária tama iha Orsamentu Jerál Estadu (OJE) 2021, ne’ebé ministériu aloka ba infraestrutura edukativa hamutuk millaun $25-resin no aloka ba projetu komunitária $20.274.586,67 atu hadi’a eskola 203 liuhosi transferénsia públika no kapitál dezenvolvimentu millaun $4-resin,” Ministru Edukasaun Juventude no Desportu, Armindo Maia, relata, foin lalais ne’e iha Sentru Konvensaun Dili (CCD, sigla portugés).

Notísia relevante: Konstrusaun no reabilitasaun eskola 197 sei realiza iha janeiru 2022

Eskola ne’ebé tama projetu hanesan Ensinu Sekundáriu Jerál (ESJ) Metinaro, ESJ 12 Novembru Becora, ESJ Finantil Comoro, ESJ 10 Dezembru Comoro, ESJ Tékniku Vokasionál 28 Novembru Becora, Eskola Báziku Filiál (EBF) siklu 1,2 Le-laus, EBF siklu 1,2 Bebonuk, EBF siklu 1,2 Duque de Caxias Bemori, EBF siklu 1,2 Naroman, EBF siklu 1,2 Be-nunuk, Eskola Báziku Sentrál (EBC) 30 de Agostu Komoro, EBC Bikeli, EBC 10 de Dezembru, EBC Bidau Akadiru-hun, Edukasaun Pré-eskolár Buras Kadalak, no Pré-skolár Ailok-tutun.

Eskola ne’ebé tama planu atu hadi’a maka edukasaun Pré-eskolár 02 ho sala 4 ninia kustu projetu iha $159.941,64, EBF 05 ho sala 20 ninia kustu projetu $429.301,62, EBC 04 ho sala 25 ninia kustu $471.878,01, ho nune’e edukasaun Pré-eskolár no Ensinu Báziku 09 ho sala 45 ninia kustu $901.179,63.

Ba Eskola ESJ 04 ho sala aula 15 kustu projetu $479.991,21, Eskola Ensinu Sekundáriu Tékniku Vokasionál iha eskola ida no sala laiha ho kustu projetu $143.567,64.

“Ho nune’e molok tinan 2022 ne’e ramata, ha’u fiar katak ita bele kompleta ona eskola hamutuk 250 iha territóriu nasionál,” Ministru otimista.

Orsamentu iha kapitál dezenvolvimentu nia sei konstrui eskola 22, fundu kontra partida hosi Governu koreanu iha eskola ida mak Tékniku Vokasionál Becora.

Enkuantu, OJE 2022 ne’ebé MEJD prevee hamutuk millaun $2,3, atu kompleta tan eskola 20.

“Ita iha orsamentu hosi kategoria kapitál dezenvolvimentu nian atu realiza projetu lima, ne’ebé projetu rua ne’ebé komesa ona hanesan Eskola Tékniku Vokasionál Hera no Eskola Báziku Sergio Viera de Melo Becora no projetu tolu mak iha prosesu loke fali konkursu maka Eskola EBF Fatuhada, ESJ 05 maiu Becora, no Tékniku Vokasionál Becora. Ha’u espera katak semana oin prosesu ne’e bele hahú ona,” Ministru akresenta.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here