Atividade iha armazen Perisos. Imajen TATOLI/Francisco Sony

DILI, 17 janeiru 2022 (TATOLI)—Empreza Perisos iha fulan-janeiru nia laran sei importa tan foos hosi Tailándia hodi reforsa stock nasionál.

“Ami-nia armazen sufisiente hela no fulan-ne’e ami hatama tan foos ró tolu hosi nasaun Tailádia,” Jerente empreza Perisos, Meliany Sanjaya, informa ba Agência TATOLI, iha Hudi-laran, segunda ne’e.

Notísia relevante: CLN planeia halo akizisaun foos tonelada 5.000 hosi Tailándia

Foos ne’ebé sei importa ho tipu lima hanesan Manu Vitória kilograma 25, Globus kilógrama 25-30, Folson kilógrama 20, Nasi Wangi kilógrama 15, no Gostu Loos kilógrama 25.

“Ba tinan 2022, armazen Perisos foos iha hela atu responde ba nesesidade komunidade,” nia akresenta.

Kona-ba folin sasán sei nafatin hanesan tinan kotuk tanba impaktu hosi COVID-19, ne’ebé movimentu transportasaun ró mós menus.

“Maibé sasán sira-nia folin ne’e ami hasa’e oituan de’it hosi $0,25 to’o $0,50 tanba sasán hosi supplier mós sa’e, nune’e sasán to’o iha ne’e ami hasa’e folin oituan,” nia tenik.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here