Osan Dolar Amérika. Imajen/Espesiál

DILI, 14 janeiru 2022 (TATOLI)—Xefe Departamentu Reprezentasaun Territoriál Floresta Planta Indústria Covalima, Francisco Sarmento, informa hosi iha tinan 2021 ne’e Floresta Covalima kontribui ona reseita $13,413 ba kofre Estadu.

“Ami kobre reseita sira-ne’e mai hosi ita-nia maluk negósiante ne’ebé hasai lisensa hodi halo negósiu. Lisensa atu tesi ai, lisensa tula ai ba Dili, hafoin sira selu iha banku, ami simu resivu ba sira-ne’ebé espesífiku, negosiante sira maioria negósiu ai-teka” Francisco Sarmento hateten ba Agéncia Tatoli liuhosi telefóníka, sesta ne’e.

Prosesu atu hasai lisensa ne’e, negosiante sira tenke karuka karta rekerementu ba iha dirasaun jerál hodi kontinua prosesa maibé tékniku sira sei halo observasaun iha terrenu hodi identifika ai ne’ebé negosiante sira atu halo negosiu.

“Ami sei halo estimasaun ai hamriik nia atu prodús kúbiku hira, hafoin halo pedidu lisensa atuál maibé prosesu trata lisensa nia durante semana ida depende hosi negosiante sira hodi trata lisensa,” nia dehan.

Atu trata pedidu lisensa hosi floresta, negosiante sira presiza lori dokumentu sira mak hanesan deklarasaun fa’an no sosa ai, kartaun eleitorál hosi rekerente, vistu makina tesi ai ne’ebé rejistu iha floresta no kartaun eleitorál (KE) hosi operadór mákina tesi ai, karta mai hosi suku no asina hosi administradór, hafoin haruka ba floresta hodi halo karta akompañamentu.

Dezafiu ne’ebé mak Floresta Covalima hasoru durante hala’o servisu mak negosiante sira hafoin selu iha banku, balun la entrega resivu nune’e dala-ruma dadus bele sala maibé floresta halo konfirmasaun ho dirasaun jerál.

Proseu pagamentu sei haree pedidu lisensa sira bainhira ai koa hotu no Floresta Covalima hatene ona rezultadu produsaun hafoin halo rekerementu ne’ebé negosiante sira selu bazea produsaun ai kubiku ida selu $25.00 ne’ebé maoria koa ai teka.

Funsionáriu Serbisu Floresta Covalima hamutuk na’in-22, kompostu hosi tékniku florestál na’in-ida (1), guarda florestál na’in-12, tékniku planta indústria na’in-rua (2), tékniku agrokomérsiu na’in-rua (2) no cleaner na’in-ida (1).

Jornalista  : Celestina Teles

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here