Komandante Polísia Unidade Tránzitu Munisípiu Dili, Inspetor Domingos Sarmento Gama. Imajen Tatoli/Francisco Sony

DILI, 13 dezembru 2022 (TATOLI)— Komandante Tránzitu no Seguransa Rodaviáriu, Munisípiu Dili, Inspetór Polísia Domingos Gama, informa iha semana dahuluk, fulan-janeiru ne’e konsege rekolla reseita $2.000.

“Hahú hosi loron 1 to’o 12 janeriu, ita konsege hatama reseita ba kofre estadu hamutuk $2.000,” Inspetór Polísia ne’e hateten ba jornalista sira iha Komandu PNTL Dili-Caicoli, sesta ne’e.

Polísia Tránzitu Dili rekolla reseita ne’e hosi selu koima, bainhira halo operasaun ba infratór sira ne’ebé la kumpre regra tránzitu hanesan,  lori karreta no motór, maibé laiha dokumentu komprovativu-sira, la tau xapa matríkula no viola regra tránzitu.

Nune’e, Komandu Tránzitu husu ba komunidade sira iha Dili atu lori karreta no motór tenke kumpre regra seguransa rodaviáriu no regra tránzitu sira.

“Husu ba ita hotu atu toma nafatin konsénsia liuliu ba maluk sira ne’ebé lori motór no karreta tenke respeita ba lei seguransa rodaviáriu no regra tránzitu sira, nune’e prevene asidente tráfegu.  Tanba dala-barak ita dehan lei ne’e forte, maibé kuandu ita laiha konsénsia lei ne’e la vale no la forte,” Inspetór Polísia fó hanoin.

Notísia Relevante:  2021, PNTL Ermera konsege rekolla reseita $9.300

Jornalista : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here