Membru Parlamentu Foinsa'e realiza Plenaria Dahuluk Parlamentu Foinsa'e nian iha periodu ba da 4 nian iha tinan 2019-2022 nian. Iha salaun Palasiu Nobre Lahane, tersa (24/08). Imajen Tatoli/Francisco Sony.

DILI, 14 janeiru 2022 (TATOLI)—Koordenador Parlamentu Foinsa’e, Andre Jose Minha Paulo,  Membru Parlamentu Foinsa’e lideradu hosi Andre Josemina Paulo, sesta ne’e, entrega rezultadu polítika iha área juventude ba Prezidente Repúblika, Francisco Guterres ‘Lú-Olo’.

“Ohin ami membru Parlamentu Foinsa’e ne’ebé hamutuk Sekretária Estadu Juventude no Despostu (SEJD), komisaun organizadora hasoru malu ho Prezidente Repúblika hodi aprezenta no entrega rezultadu ne’ebé prodús iha plenária dahuluk iha 24 no 25 agostu 2021, iha ne’ebé kobre área tematiku juventude nian,” Koordenador Parlamentu Foinsa’e, Andre Josemina Paulo, hateten hafoin ramata enkontru ho Xefe Estadu iha edifísiu Palásiu Prezidensiál Nicolau Lobato, Bairru Pite, Dili.

Rezultadu kobre tomak área temátika sira-ne’ebé iha polítika nasionál juventude nian iha área lima hanesan joven ho edukasaun, joven moris saudavel, joven ho empregu, joven partisipasaun edukasaun sívika no joven ho violénsia no krime.

Membru Parlamentu Foinsa’e mai hosi postu administrative 63 no sub-regiaun rua iha territóriu nasionál.

Hein katak, ho okaziaun ne’e Prezidente Repúblika mak besik liu ho orgaun soberanu sira hotu no bainhira enkontru semanál ho orgaun ezekutivu hodi hato’o no hola medida ruma fó atensaun ba asuntu juventude.

Durante sorumutu, Xefe Estadu husu juventude sira atu estuda makaas hodi lidera nasaun iha loron aban.

“Prezidente nia mensajen ba ami joven oinsá tane aas no dignifika nafatin luta sira-ne’ebé jerasaun antigu sira halo liuhosi esforsu sira-ne’ebé halo mak nafatin estuda hamutuk ho joven sira seluk,” nia dehan.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here