Billete Identidade. Imajen Tatoli.

DILI, 13 janeiru 2022 (TATOLI)—Diretòr Servisu Rejistu Sívil no Notariadu (SRCN, sigla potugés) Covalima, António Sarmento, informa Servisu Registu Sivil Notariadu Covalima daudaun ne’e print out Billete Identidade (BI) sidadaun sira-nian uza de’it surat-tahan mutin baibain tanba tinta olograma laiha ona.

Servisu Rejistu Sívil no Notariadu agora daudaun laiha ona tinta olograma hodi print out Billete Identidade (BI) ba sidadaun sira. Ami agora print BI uza surat-tahan mutin de’it ona tanba tinta olograma print BI nian hela ida de’it ona. Entaun, ami print BI orijinàl bainhira sidadaun sira ne’ebè mak trata dokumentu urjente, maibé ba sidadaun seluk ami print de’it surat-tahan mutin baibain ne’e,” António Sarmento informa ba Agência Tatoli, liuhosi telfónika, kuarta ne’e.

Aleinde ne’e, nia informa, Servisu Rejistu Sivil no Notariadu Covalima mós iha transporte ida, maibé patrimóniu Estadu foti ona ba Dili no agora lahatene nia prosesu oinsá, tanba transporte ne’e importante loos ba sira atu foti blanku RDTL no pasaporte iha nasionál.

Foin lalais, kona-ba transporte halo ona enkontru iha nasionál no atu halo leilaun ba veikulu  ne’e  maibé nia prosesu to’o iha ne’ebé mós la hatene, nune’e uza de’it motor privadu hodi foti no lori blanku sertidaun RDTL no pasaporte.

Liga ba asuntu importante ida-ne’e, Agência Tatoli konfirma ho Munistru Justisa Manuel Cárceres da Costa hafoin ramata reuniun Konselu Ministru iha Palásiu Governu, maibé ministru dehan de’it depois mak nia parte rezolve.

“Obrigada ba informasaun. Depois mak ha’u belé rezolve situsaun ida-ne’e,” manuel Cárceres da Costa hateten.

Tuir dadus, hahú hosi janeiru-dezembru 2021, Servisu Rejistu Sívil no Notariadu (SRCN) Covalima atende ona sidadaun sira-ne’ebé trata billete identidade hamutuk 6577 ne’ebé kompostu hosi mane 3736 no feto 2841.

Jornalista  : Celestina Teles

Editór        : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here