Viveiru ai-oan iha Maubara. Imajen/Egas Cristovão.

DILI, 13 janeiru 2022 (TATOLI)—Xefe Departamentu Reprezentasaun Territoriál Floresta Planta Indústria Covalima, Francisco Sarmento, hateten Floresta Covalima hamutuk ho autoridade lokál selebra loron nasionál ai-kameli no floresta hodi kuda ai-kameli no mahoni hamutuk 556 iha postu administrativu Tilomar, munisípiu Covalima.

“Ami selebra loron nasionál ai-kameli no floresta ne’e, ami kuda ai-kameli no mahoni hamutuk 556 iha área rezervada iha postu administrativu Tilomar,” Xefe Departamentu Reprezentasaun Territoriál Floresta Planta Indústria Covalima, Francisco Sarmento, hateten ba Agência Tatoli liuhosi telefóníka, kinta ne’e

Iha ámbitu selebrasaun loron nasionál refere, autoridade Covalima kuda tipu ai-oan sira hanesan ai-mahoni no ai-kameli ne’ebé ho nia distansia 3×3 no nia luan área ektare 0,5.

Razaun kuda ai-oan iha postu administrativu Tilomar ne’e, tanba iha tinan 2005 kuda ona ai-oan iha rai ektare nen (6) entaun hakarak kontinua halo luan tan área ne’e hodi kuda ai-oan iha postu refere.

“Ai-oan sira-ne’ebé ohin ami kuda ne’e, hosi floresta rasik ne’ebé implementa programa  viveiru kominitáriu iha postu administratativu Suai Vila nian prepara ona ai-oan 13.000 ne’ebé  durante ne’e distribui hotu ona ba toos-na’in sira no agora foti tan hosi postu administrativu Fatululik,” nia dehan.

Durante ne’e, Floresta Covalima prodús ai-oan iha postu administrativu mak hanesan postu Administrativu Fatumea ai-aon 11 000, fatululik 10.000, Maucatar tuir trajetu loloos prepara de’it 10.000, zumalai prepara 20.000 no Fohorem 20.000, ai-saria no ai-naa, mahuni no seluk tan.

“Programa viveiru komunitária ne’e ho objetivu atu fasilita ita-nia toos-na’in sira iha plantasaun rasik no bele hamatak ita-nia rain. Iha tempu bailoron, ita susar asesu bee-moos hodi fó impaktu ba mudansa klimátika,” nia hateten.

Notísia Relevante: MAP Viqueque sei kuda ai-kameli oan 566.000 iha suku Uma-uain kraik

Jornalista : Celestina Teles

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here