Estudante sira simu Prezidente Republika, Francisco Guterres Lú Olo bainhira vizita ba Eskola Sekundária Jerál Públiku (ESJP) Seran-Kotek, Munisípiu Covalima, Kinta (27/06/2019). Imajen TATOLI/Eugénio Pereira.

DILI, 13 janeiru 2022 (TATOLI)—Prezidente Komisaun G ne’ebé trata asuntu Edukasaun, Juventude, Kultura no Sidadania, António Verdiál de Sousa, kontinua husu ba Ministériu Edukasaun Juventude no Desportu (MEJD) presiza define uniformizasaun farda eskola ba estudante sira iha territóriu nasionál.

Notísia Relevante: MEJD planeia prodús lei regula farda eskola

“Husu ba Governu atu kria uniformizasaun farda ba estudante sira hotu iha territóriu nasionál. Uniformizasaun ne’e ho objetivu karik ita-nia oan sira tau farda eskola atu haree hanoin di’akliu modelu tenke iha labele oioin,” Prezidente Komisaun G ne’e hateten ba Agéncia Tatoli iha uma fukun Parlamentu Nasionál.

Tanba, nia dehan, durante ne’e estudante sira suku farda kada tinan no iha inan-aman ne’ebé iha oan liu na’in-haat (4) ba leten suku fali farda foun, ida-ne’e sira-ne’ebé ekonomia la sufisiente ne’e susar uitoan.

Komisaun G sei bolu ministéru kompetente (MEJD) hodi diskute no fó hanoin ba Governu atu nune’e hamosu rezolusaun Governu, no karik PN mós bele hasai rezolusaun ida hodi hateten Governu halo uniformizasaun ba farda estudante hotu iha territóriu nasionál

Jornalista : Nelson de Sousa

Editór       : Cancio Ximenes

 

PUBLISIDADEiklan

HAKEREK NO HATÁN

Please enter your comment!
Please enter your name here