Manorin no Membru Dewan Solidaritas Mahasiswa Pemuda dan Pelajar Timor-Timur (DSMPPTT) lideradu hosi Angselmo Freitas, ho nia ekipa aprezenta problema edukaaun ba Prezidente Repúblika, Francisco Guterres Lú Olo. Imajen/Mídia PR.

DILI, 12 janeiru 2022 (TATOLI)—Membru Dewan Solidaritas Mahasiswa Pemuda dan Pelajar Timor-Timur (DSMPPTT), Anselmo Freitas, aprezenta problema Ensinu Sekundária Seiçal, Baucau Vila, Baucau, ba Prezidente Repúblika, Francisco Guterres Lú Olo.

Manorin no Membru Dewan Solidaritas Mahasiswa Pemuda dan Pelajar Timor-Timur (DSMPPTT) lideradu hosi Angselmo Freitas. Imajen/Mídia PR.

“Asuntu ne’ebé ohin ami ko’alia kona-ba edukasaun nian jeralmente no partikularmente eskola ida-ne’ebé membru hosi organizasaun Dewan Solidaritas estabelese iha Seiçal, Baucau,” Membru DSMPPTT no Diretór Interinu Ensinu Sekundáriu Seiçal, Agselmo Freitas, hateten ba jornalista sira hafoin ramata sorumutu ho Xefe Estadu iha Palásiu Prezidensiál Nicolau Lobato, Bairru Pité, Dili.

Nia aprezenta kondisaun eskola ba Xefe Estadu ne’ebé afeta tebes ba prosesu ensinu aprendizajen hanesan falta mobiliáriu; kadeira, kuadru no kuaze manorin-na’in destaka maiória voluntáriu laiha saláriu vensimentu ruma.

“Ami sente nesesáriu tebes hato’o ba Prezidente Repúblika atu fó tulun, melloramentu kondisaun eskola nian no tau matan ba manorin-na’in,” nia dehan.

Parte Governu liuhosi Ministériu Edukasaun Juventude no Despostu (MEJD) rasik iha tinan kotuk hala’o ona vizita ba eskola refere hodi haree eskola nia kondisaun, maibé to’o agora seidauk iha resposta ruma.

Difikuldade hirak ne’e, nia parte halo ona koordenasaun ho estudante sira-nia inan-aman hodi fó mós kontribuisaun ba nesesidade manorin-na’in nian ho asuntu sira seluk.

Eskola Sekundária Seiçal nu’udar eskola filiál hosi Ensinu Sekundáriu Kilik-Uaigae, Baucau, ne’ebé estabelese hosi DSMPPTT ne’ebé daudaun ne’e iha aula rua tanba foin tinan kotuk mak hahú no agora ne’e prepara ba rejistu anu letivu foun.

Razaun loké eskola sekundária ne’e tanba kolabora ho ensinu báziku sentrál iha área jurisdisaun fó apoiu fatin hodi bele loke eskola refere, tanba estudante ne’ebé hela iha Seiçal kontinua sira-nia estudu iha ensinu sekundáriu iha postu administrative Laha ho distánsia to’o kilómetru 20 ka 15.

“Ho estabelesimentu eskola ne’e bele fasilita estudante sira la’o besik. Eskola ne’e, daudaun ne’e iha estudante hamutuk 52 no manorin-na’in hamutuk 18 no na’in-rua (2) mak hosi Dili nu’udar permanente hodi fó apoiu.

Durante sorumutu, Prezidente Repúblika hateten sei halo Koordenasaun ho MEJD atu bele tau matan.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here