Karreta Funeráriu. Imajen Tatoli/Osória Marques.

DILI, 12 janeiru 2022 (TATOLI)—Diretór Nasionál Asisténsia Sosiál (DNAS), Lucas Tois, hateten DNAS sei entrega karreta funeráriu lima (5) ba Departamentu Karreta Funeráriu iha Ministériu Solidariedade Sosiál no Inklluzaun (MSSI) hodi bele halo operasaun iha territóriu nasionál.

Notísia Relevante: OJE 2022: PN aprova millaun $22,7 ba MSSI

“Aban ka bainrua ita sei entrega karreta vfneráriu lima ba parte Departamentu Karreta Funeráriu nian hodi reforsa ba karreta ualu (8) antes ne’e, atu bele halo operasaun ka tula mate-isin iha territóriu nasionál,” Lucas Tois ba Agência TATOLI, iha nia knar fatin Caicoli, Dili, kuarta ne’e.

Iha tinan 2021 ne’e, karreta funeráriu iha de’it sia (9) maibé tinan ne’e hela de’it ona ualu tanba ida aat totál tiha depois haat (4) de’it mak bele halo operasaun ka tula mate-isin ba munisípiu sira, no haat (4) seluk labele tula mate-isin ba munisípiu sira tanba kondisaun ladún di’ak.

Durante ne’e, MSSI iha karreta funeráriu haat de’it bele tula mate-isin ba munisípiu sira tanba haat seluk kondisaun ladi’ak maibé só tula ka halo operasaun de’it iha Dili laran,  entaun ho lima (5) foun ne’ebé mak semana kotuk mai ne’e bele reforsa tan ona karreta seluk bele atende ita-nia maluk ne’ebé mak mate iha ospitál ka iha uma,” nia dehan.

Karreta funeráriu lima (5) ne’e nia akizisaun iha tinan 2021, DNAS liuhosi MSSI planu prevee orsamentu $218.750 ne’ebé mak karreta funeráriu ho marka Trinton to’o ona iha Timor-Leste semana kotuk.

Diretór DNAS esplika karreta sira-ne’e komesa aat tanba nia akizisaun ne’e mai iha tinan 2013, entaun konserteza nia kondisaun ladi’ak ona tanba nia uza tinan barak ona.

Entertantu iha tinan 2022, liuhosi diskusaun naruk, Parlamentu Nasionál (PN) aseita no aprova karreta funeráriu lima (5) tan ne’ebé mak MSSI propoin ho montante orsamentu hamutuk $38.000.

“Ami propoin ne’e osan hamutuk $38.000 ba kada karreta ida maibé PN lakohi sosa tan karreta ho modellu Trinton ne’e, sira hakarak sosa karreta Hilux mak moidfika fali ba ambulansia, nuen’e bele iha kondisaun para tama ba área remota entaun osan sei sa’e ba $48.000,” nia hateten.

Notísia Relevante: 2022, MSSI sei sosa karreta funeráriu lima

Jornalista : Osória Marques

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here