Pasiente dengue. Imajen/Google

DILI, 11 janeiru 2022 (TATOLI)–Diretór Servisu Saúde munisipál Viqueque, Francisco de Carvalho, informa, tama janeiru 2022, nível munisipál rejista kazu foun denge tolu, ne’ebé daudaun halo hela tratamentu.

“Hosi kazu ne’e, ha’u orienta ona ekipa pesoál saúde tun ba komunidade atu sensibiliza kona-ba prevensaun, ne’ebé orienta atu hamoos fatin risku sira no rega susuk,” Diretór servisu munisipál hateten ba Agência TATOLI, via telefónika, tersa ne’e.

Notísia relevante: Governu husu komunidade hamoos lixu redús kazu dengue

Kazu pozitivu foun tolu maioria ba labarik kiik, hosi suku Afaloikai, postu Uatulari.

“Parte saúde husu komunidade Viqueque, kalan toba tenki uza muskitéru no uza roupa naruk atu susuk labele tata. Nune’e mós halo limpeza ba bee fatin sira atu susuk labele tolun iha bee naliun laran,” nia akresenta.

Iha fatin seluk, Deputada Bankada CNRT, Maria Fernanda Lay, husu Governu liuhosi Ministériu Saúde atu tau atensaun no foti medida ba kazu denge.

“Ohin loron ita livre hosi COVID-19, maibé kazu denge ita seidauk livre. Tanba ne’e, ha’u husu Ministériu Saúde hodi haree ba kazu denge,” Deputada Bankada oppozisaundehan.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here