Luís Geraldo da Costa Oliveira. Imajen/Espesiál.

DILI, 10 janeiru 2022 (TATOLI)—Parlamentu Nasionál, segunda ne’e liuhosi plenária autoriza ona Deputadu hosi Fretilin Luís Geraldo da Costa Oliveira hodi substitui saudozu Silvino Adolfo Morais.

Notísia Relevante: PN aprova votu pezár ba saudozu Silvino Morais

“Ho ida-ne’e ha’u konvida kedas distintu Deputadu atu bele hola fatin no benvidu dala ida tán mai hamutuk ho ami iha Parlamentu Nasionál,” Prezidente Interina no Atual Vise Prezidente PN, Maria Angelina Sarmento Lopes, anunsiu iha Parlamentu Nasionál.

Pedidu substituisaun ne’e aprezenta hosi Prezidente Bankada Fretilin, David Dias “Mandati” ximenes hodi husu solisitasaun ba Prezidente Parlamentu Nasionál, Aniceto Longuinhos Guterres Lopes, ba autorizasaun bazea artigu 5 iha númeru 1, 2 no artigu 9 númeru 1 hosi  lei númeru 5/2004, 05 maiu kona-ba Estatutu Deputadu no artigu 5  númeru 1 iha Rejimentu Parlamentu Nasionál (RPN).

Deputadu Luís Geraldo da Costa Oliveira subtitui saudozu Silvino Morais ne’ebé antes hala’o knar hanesan Deputadu ne’ebé fila hikas on aba Maromak nia uma iha loron 01 fulan-janeiru tinan 2022.

Notísia Relevante: Deputadu Silvino Morais hakotu iis tanba ataka kardiaku

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here