Tékniku EDTL, E.P halo instalasaun liña eletrisidade iha área Colmera, Dili, segunda (25/10). Imajen TATOLI/António Gonçalves

DILI, 11 janeiru 2022 (TATOLI)—Xefe Suku Labarai, Mouzinho Amaral, informa komunidade suku Labarai preokupa ho menus enerjia elétrika estraga komunidade nia sasán eletrónika.

Ami-nia sasán eletrónika mós aat beibeik ona. Iha semana kotuk EDTL-EP troka ona prepagu ida-ne’e aat liu, tanba halo ahi mate beibeik no ahi forsa la to’o hori kalan ahi han ona fiu halo ahi lakan makaas no ami kontaktu ba EDTL-EP hodi hamate ahi,” Mouzinho Amaral hateten ba Agência Tatoli, liuhosi telefónika, tersa ne’e.

Preokupasaun ne’e, nia parte hato’o bebeik ona ba Eletrisidade Timor-Leste, Empreza Públika (EDTL, E.P) to’o ona ba iha nasionál maibé to’o ohin loron seidauk iha resposta ruma.

EDTL, E.P instala eletrisidade ba komunidade nia uma iha suku Labarai, postu administrativu Suai Vila hahú iha tinan 2010, hafoin ne’e fó impaktu ba komunidade sira-nia sasán eletrónika to’o ohin loron.

Funsionáriu EDTL, E.P mós fó razaun katak trafo KWA 50 trafo atu mai iha bairru Holbelis ne’e nia kapasidade kiik no benefísiáriu barak liuhosi kapasidade hosi trafo. 

Deputadu Partidu FRETILIN, Alexandrino Cardoso, hato’o ona preokupasaun hosi komunidade nian ne’e iha plenária Parlamentu Nasionál katak menus enerjia elétrika ne’e hodi estraga komunidade nia sasán eletrónika.

“Ita nia komunidade iha suku Labarai, postu administrativu Suai Vila, bairru Holbelis sira lamenta tebes ba enerjia elétrika. Bainhira funsionáriu troka tiha prepagu, ahi forsa laiha estraga komunidade nia sasán eletrónika hanesan jelera, Air Conditioner (AC) no seluk tan,” nia hateten. 

Suku Labarai, postu administrativu Suai Vila, Munisípiu Covalima ne’e ho populasaun hamutuk 3,345 ho nia xefe família 771.

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here