Komandante Komandu Operasionál Nasionál (KKON), Superintendente Xefe, Pedro Belo.Imajen/Eugénio Pereira.

ERMERA, 11 janeiru 2022 (TATOLI)— Komandu Polisia Nasionál Timor-Leste fó instrusaun ba Komandu Munisípiu hotu hodi halo operasaun liuliu halo apreensaun no detensaun ba komunidade ne’ebé uza kilat-manu.

Komandante Komandu Operasaun Nasionál, Superintendente Xefe Polísia, Pedro Belo, husu ba komandante PNTL munisípiu sira atu kontrola no halo apreensaun ba kilat-manu, nune’e ema labele uza hodi hakanek ema seluk no kasa animál fuik.

“Orientasaun ne’e hasai dala ida, atu kontinuasaun la’o nafatin hodi rekolla kilat manu ne’e, tanba ita hotu hotu hatene, lei númeru 5/2017 kona-ba arma branka ne’e bandu atu ema uza sasan sira ne’e,” Komandante Operasaun Nasionál ne’e hateten ba Agência Tatoli, eskuadra Ermera, tersa ne’e.

Nune’e, iha tinan kotuk, Komandu Jerál hasai ona orientasaun mai komandante operasaun, nune’e    komandante operasaun hasai fali iha komandu munisípiu hotu atu haree asuntu ne’e ho sériu.

“Husu halo kedan apreensaun no detensaun ba ema ne’ebé uza no kaer kilat-manu hodi koordena direta ho Ministériu Públiku atu prosesa tuir lei,” Komandante Operasaun ne’e apela.

Notísia Relevante:  PNTL Bobonaro halo apreensaun kilat-manu ualu iha karreta laran

Jornalista: Natalino Costa

Editór      : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here