Vitíma AC ne'ebé hakotu iis iha HoREX tanba asidente tráfegu iha Bucoli, postu administrativu Baucau Vila, munisípiu Baucau, tersa (11/01). Imajen espesiál.

DILI, 11 Janeiru 2021 (TATOLI) – Asidente tráfegu ne’ebé akontese iha suku Bucoli, postu administrativu Baucau Vila, munisípiu Baucau rezulta ema ida mate iha Hspital Rejionál Eduardo Ximenes (HoREX).

Xefe Kontrolu Kualidade no Komunikasaun Sosiál HoREX, Claudino Ximenes, esplika, vítima ne’e ho inisiál AC, mane ho idade 18 lakon vida tanba kondisaun grave.

“Pankada maka’as iha ulun, tuir informasaun vítima sira mesak família uma-laran de’it,” Claudino informa ba Agência TATOLI liuhosi telefónika, tersa ne’e.

Daudaun ne’e matebian sei iha sala mortuáriu no hein prepara kondisaun hosi família antes transporta ba rezidénsia vítima iha postu administrativu Iliomar, munisípiu Lautem.

Parte médiku halo diagnóstika kauza AC nia mate tanba ulun pankada iha ba aspal, rento’os bubu maka’as.

Maske pesoál saúde sira halo esforsu atu salva maibé vítima halotu iis iha oras 09:30 dadeersan iha HoREX, Baucau.

Nune’e mós iha pasiente na’in-rua mak grave ne’ebé na’in-ida feto transporta ona mai Dili ho idade 23 tanba grave iha kanotak no na’in-ida mane ho idade 18 inisiál SS sei halo tratamentu iha Horex tanba grave iha ulun.

Notísia relevante: Asidente iha Bucoli rezulta pasajeiru na’in-10 kanek

Jornalista         : Natalino Belo

Editór               : Evaresto Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here