Administradór munisípiu Manufahi, Arantes Isaac. Imajen TATOLI/Jogerjo Guterres

MANUFAHI, 10 janeiru 2022 (TATOLI)—Primeiru-Ministru (PM), Taur Matan Ruak, no membru Governu balun, segunda ne’e, halo diálogu komunitáriu iha munisípiu Manufahi, ne’ebé toka oituan kona-ba moras Tuberkloze (TBC).

“Ho permisaun Primeiru-Ministru, hanesan servidór munisípiu Manufahi hakarak dehan iha tinan kotuk Xefe Governu hato’o ona kompromisu ida hodi elemina moras TBC, tanba ne’e hakarak deklara katak munisípiu Manufahi ho entidade hotu prontu deklara kompomisu hapara moras TBC iha nível munisípiu atu alkansa kompromisu ne’ebé Governu asina,” Administradór munisípiu Manufahi, Arantes Isaac, dekalara liuhosi diskursu, iha resintu edifísiu administrasaun.

Nune’e, parte administrasaun munisipál sei serbisu maka’as liután ho autoridade lokál, igreja, seguransa, organizasaun sosiedade sivíl, autoridade saúde no parseiru dezenvolvimentu sira hodi haforsa ekipa Task Force ne’ebé estabelese ona hodi hapara TBC iha tinan 2023.

Notísia relevante: Abríl-juñu Fundasaun Klibur Domin rejista TBC 80 iha munisípiu haat

Ho komprimisu ne’e, Primeiru-Ministru, Taur Matan Ruak, apresia no orgullu tanba autoridade bele tau ona importánsia ba saúde populasaun.

“Foin lalais, ami hamutuk ho parseiru internasionál sira asina ona paktu ida hodi elimina moras TBC to’o 0 iha tinan 2025,” Xefe Governu  hateten.

Tanba ne’e, daudaun ne’e ekipa sira hala’o hela kampaña maka’as, hosi populasaun nia uma hodi sensibiliza informasaun. Nune’e, PM husu ba komunidade no autoridade lokál atu koopera no serbisu ho ekipa sira.

Populasaun Manufahi hamutuk 70.326 no xefe família 14.940, ne’ebé kompostu hosi postu administrativu Same populasaun 38.467 no xefe família 8.386, postu administivu Alas ninia populasaun 10.793 no xefe família 2.163, postu Fatuberliu populasaun 11.313 ho nia xefe família 2.291, postu administreativu Turiskai totál populasaun 9.756 no xefe família 2.095

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here