JICA fó formasaun ba ofisiál funsionáriu administrasaun ANATL, E.P na’in-3, imajen/ media JICA.

DILI, 10 janeiru 2022 (TATOLI)– Ajénsia Kooperasaun Internasionál Japaun (JICA,sigla Inglés) iha Timor-Leste ho iha Indonézia no Ministériu Transporte Indonézia, liuhosi Kooperasaun Triangulár ne’ebé hanaran Dezenvolvimentu no Jestaun Aeroportu fó formasaun ba ofisiál funsionáriu administrasaun Aeroportu Navegasaun Aérea Timor-Leste, Empreza Públika (ANATL, E.P) na’in-31.

Tuir nota ne’ebé Agência TATOLI asesu segunda ne’e katak, formasaun ne’e lansa ofisialmente, ohin (10/01) iha otél Arbiru Beach no sei hala’o to’o 14 janeiru, liuhosi virtualmente tanba pandemia COVID-19.

Notísia relevante:JICA oferese treinamentu dezenvolvimentu no manutensaun aeroportu ba ANATL, E.P.

Iha faze dahuluk, ofisiál ANATL, E.P ne’ebé tuir formasaun kona-ba Jestaun Komersiál no Finanseiru Aeroportu nian, durante loron lima, hahú 10 to’o14 janeiru hamutuk na’in 13.

Alende ne’e, ofisiál na’in-18 seluk sei tuir tan faze daruak iha formasaun kona-ba Jestaun Krize Emerjénsia Aeroportu, durante loron lima, hahú 17 to’o 21 janeiru.

JICA finansia programa ida ne’e, ho objetivu atu hasa’e koñesementu no kapasidade ANATL, EP iha serbisu operasaun no manutensaun aeroportu, liuliu Jestaun Komersiál no Finanseiru ho Jestaun Krizi Emerjénsia Aeroportu.

Formasaun ne’e hanesan kontinuasaun apoia hosi JICA ba Estadu. Programa Kooperasaun tékniku ne’ebé ho durasaun tinan rua ne’e implementa ona dezde 2019.

Totál orsamentu ne’ebé alokadu ba programa tinan-rua hamutuk $140.000,000.

Funsionáriu hosi ANTL,E.P sira ne’e sei aprende barak iha área aeroportu nian hosi peritu sira ministériu transporte Indonézia-nian, nune’e sira bele kontribui dezenvolve area aeroportu iha Timor-Leste.

Notísia relevante: JICA Fó Formasaun Dezeñu no Analiza Sistema Fornesimentu Bee Moos

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here