Edifísiu UNPAZ iha Ai-mutin. Imajen/UNPAZ

DILI, 07 janeiru 2022 (TATOLI)–Universidade da Paz (UNPAZ) kontinua fó oportunidade ba estudante foun sira hosi ensinu sekundáriu públiku no privadu sira, ne’ebé iha interese bele kompete iha vaga 3.000 ne’ebé prepara ona.

“Ami-nia kondisaun agora ne’e bele akomoda tan estudante foun hamutuk 3.000 ba fakuldade neen nível lisensiatura ho programa estudu 20, inklui programa mestradu hitu,” Reitór UNPAZ, Adolmando Amaral, informa ba Agência TATOLI, iha kampus UNPAZ, sesta ne’e.

Notísia relevante: Reitór motiva graduadu UNPAZ tenke sai badaen di’ak iha sosiedade

Nune’e, daudaun inskrisaun hahú ona no sei taka iha loron 21 fevereiru, ne’ebé daudaun rejista ona estudante foun hamutuk 300-resin hosi tinan akadémiku 2020, tanba estudante tinan akadémiku 2021 seidauk rona rezultadu.

“Ida-ne’e hotu foin kontinua ho prosesu orientasaun kampus, maibé hahú aban ba oin universidade hahú konvoka reuniaun hodi diskute kona-ba kalendáriu tinan akadémiku 2022, atu nune’e bele ajusta orientasaun sira  atu teste iha fulan saida,” nia akresenta.

Totál estudante UNPAZ ne’ebé hetan ona graduasaun hamutuk hosi 2007-2021 hamutuk 14.880, ne’ebé hosi totál númeru ne’e liuhosi dadus kongresu antigu alunu, identifika kuaze 78% estudante maka hetan ona serbisu no falta 12% mak seidauk.

Ba kestaun ne’e, Diresaun antigu alunu sei halo analiza ba formatu atu identifika dadus fatin serbisu estudante graduadu sira.

Jornalista : Tomé Amado

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here