Polísia ka’er no baku vendedór ambulante nain-rua tanba kontra regra PAM Dili hodi faan modo iha estrada ninin iha kampung baru, Comoro, sesta, 7/1/2022. Imajen TATOLI/Antonio Dasiparu

DILI,06 janeiru 2022 (TATOLI)- Komandante Jerál Polísia Nasionál Timor-Leste (PNTL), Komisáriu Faustino da Costa, informa, tinan ne’e, sei halo akisaun ba karreta 90-resin, hodi haforsa operasionalizasaun membru sira nian iha tereñu.

Komandante Jerál PNTL, Komisáriu, Faustino da Costa. Imajen Tatoli/Egas Cristovão

“Ami sei   kompra karreta operasionál 90-resin, espera katak ezekusaun orsamentu tinan ne’e ita bele hahú inísia atu prosesu ba akizasaun veíkulu hirak ne’e,” Komisáriu Faustino, hateten ba jornalista sira iha Kuartél Jerál PNTL Caicoli, sesta ne’e.

PNTL nu’udar forsa seguransa ho misaun defende legalidade demokrátiku, garantia seguransa ba ema hotu no bens inklui salvaguarda direitu sidadaun sira ho baze ba (artigu 1, Dekretu-Lei númeru 9/2009, 18 fevreiru).

Hosi medida prinsipál hirak ne’e, PNTL propoin $36,099,695.00 iha ba tinan fiskál 2022 ne’ebé koloka ba saláriu no vensimentu $16, 876,743.00, bens no servisu $ 17,245,222.00 no kapitál menór $1,977,730.

Alokasaun orasamentál kada programa ho kódigu 366, kona-ba seguransa nasionál sei gasta $14,692,688.00, programa ho kodígu 412 kona-ba implementasaun polítika jenéru sei gasta $103,150, programa ho kódiu 423 kona-ba seguransa no ordem públiku prevee $1,045,461 no programa kódigu 510 kona-ba governasaun di’ak no jestaun institusional sei gasta $20,258,396.00.

Nune’e, Komandante Jerál PNTL, esplika, akizasaun viatura   orsamentu hosi kategoria kapitál menor, nune’e tinan ne’e sosa bo’ot veíkulu barak kompara ho tinan sira kotuk.

KomJer mós informa iha OJE 2022 prevee atu PNTL aluga karreta operasional 65, bainhira prosesu akizasaun veíkulu tarde oituan.

“Maibé, ida ne’e kuandu prosesu aprovizionamentu ba akizasaun karreta 90-resin ne’e atraza oituan.  Entaun otomatikamente aluga karreta tanba iha OJE 2022 ita prevee ona atu fasilita operasaun iha base tuir nesesidade instituisaun,”nia afirma.

Notísia Relevante:  OJE 2022: PN aprova $3.408.2481 ba PNTL iha espesialidade

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here