Osan Dolar Amérika. Imajen/Espesiál

DILI, 07 janeiru 2022 (TATOLI)—Sekretariadu Prezidente Autoridade Munisípiu Dili, António Moniz Clau, informa iha tinan 2021 ne’e Autoridade Munisípiu Dili (AMD) rekolla taxa publisidade hamutuk $67,945.62.

Notísia Relevante: 2017-2021, AMD kontribui reseita $672.037 ba kofre Estadu

“Iha tinan 2021, itania servisu publisidade ne’ebé ita halo kobransa ba reklame sira hahú hosi janeiru to’o juñu hamutuk $67,945.62. Nune’e, iha fulan jullu to’o dezembru ita la halo servisu, tanba ita tama iha situasaun COVID19, estadu emergênsia, serka sanitária no konfinamentu obrigatóriu,” António Moniz Clau, hateten ba Agência Tatoli, iha nia knarfatin, Dili, ohin.

Hosi taxa atividade publisidade ne’e, Autoridade Munisípiu Dili rekolla publisidade sira-ne’ebé tau iha estrada públiku hanesan publisidade ba telefóne, simcard, sigáru, sabaun no sementu, entaun hahú hosi 2017 to’o 2021 Autoridade Munisípiu Dili rekolla taxa publisidade hamutuk $597, 866.09.

Públisidade hirak ne’e monta hosi kompañia sira ne’ebé halo promosaun ba sirania sasán ne’ebé tau iha estrada protokolu.

Maibé, autoridade Munisípiu Dili mós sei identifika mós iha loza sira-nia nia oin ne’ebé tau publisidade no loza nia naran sira-ne’e aban bainrua sei kona hotu, maibé ida-ne’e sei tama iha faze identifikasaun.

Entretantu, publisidade ne’ebé durante monta iha estrada protokolu iha munisípiu sira, inklui Díli hatuur iha DekretuLei númeru 51/2016 ne’ebé promulga ona husi Prezidente Repúblika iha loron 14 dezembru 2016 sobre lisensiamentu mensajen publisitária ne’ebé mak sei selu porsentu 25 ba Governu. 

Implementasaun ne’e sei hala’o husi parte Autoridade Munisipál Dili nian ne’ebé iha dekretu lei ne’e define pulisidade hanesan kualkér forma komunikasaun hala’o iha ámbitu atividade ekonómika ho objetivu direta no indireta hodi promove komersializasaun sasán no servisu ba parte seluk.

Dekretu-lei ne’e harii kondisaun sira no kritériu ne’ebé regula lala’ok hodi hato’o mensajen publisitária sira-ne’ebé hato’o ba ema ka grupu ruma, haree iha fatin públiku no ema bele hatene kona-ba instituisaun ruma ka programa no atividade liuhosi materiál publisitáriu.

Dekretu-lei ne’e mak sei fó lisensa hodi publika mensajen ba públiku no regula kona-ba fatin nomós medida no determina prazu no folin ba publisitáriu nian.

Iha sorumutu Konsellu Ministru nian iha loron 14 fulan-setembru tinan 2011, aprova ona, iha jeneralidade, Reijime Jurídiku kona-ba Atividade sira Publisidade nian, tanba atividade ekonómika sira-ne’ebé sa’e ba beibeik no ezijénsia kona-ba konvivénsia entre konsumidór sira no servisu oioin sira-ne’ebé iha, sei impoin ba dala uluk, dixiplina normativa ida, ba prosesu lisensiamentu ba mensajen publisidade nian sira, no prevee tipolojia ida nune’e mós ho kolokasaun no inskrisaun kona-ba fatin sira atu koloka publisidade.

Notísia Relevante: Tama Tinan 2019, Rendimentu Publisidade iha Munisípiu Dili Hamutuk $359.000

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here