Kondisaun ponte Bilimau, ligasaun entre Postu Administrativu Cailaco, Munisípiu Bobonaro no Postu Administrativu Hatulia, munisípiu Ermera. Imajen espesiál.

BOBONARO, 05 dezembru 2021 (TATOLI) – Xefe Ekipa Institutu Jestaun Ekipamentu, Iústitutu Publiku (IGE,I.P, sigla portugés), Rejiaun IV Maliana, Aguido Leto, hateten volume bee mota sai obstákulu ba ekipa sira iha terrenu atu halo normalizasaun ponte Bilimau.

Ponte Bilimau ne’e ligasaun hosi postu administrativu Hatulia, munisípiu Ermera ba postu administrativu Cailaco, munisípiu Bobonaro.

“Problema ne’ebé ami hasoru  mak tanba mota ne’e kloot entaun volume bee boot la fó fatin ba ami atu halo serbisu, ne’ebé ekipamentu sira-ne’e atu book-aan ba-mai mós susar loos, ita mós ta’uk tanba ne’e bele fó risku ba ita-nia operadór sira-nia vida. Ida-ne’e mak ami seidauk normaliza ne’e,” nia inform aba Agência TATOLI, iha Soso, Maliana, kinta ne’e.

Nia haktuir, iha tinan 2022 hafoin ponte ne’e hetan estragu hosi bee-mota, IGE halo kedas intervensaun hodi normaliza emerjénsia, konsege tau sumbu simentu hamutuk saka 100-resin maibé volume bee boot konsege tebe-sai  no ameasa operadór sira.

Difikuldade hirak-ne’e la sai obstákulu ba ekipa IGE hala’o serbisu, maibé daudaun ne’e seidauk mobiliza ekipamentu ba terrenu tanba sei haree ba kondisaun klima ne’ebé sei nafatin fó ameasa maka’as ba  ponte ne’e.

“Ami depende klima, sé atu responde iha tempu badak ne’e ha’u hanoin susar oituan, tanba ne’e sé udan ne’e para entaun ami planu iha fulan-marsu to’o maiu hanesa ne’o ita bele kontinua serbisu, se lae hanesan tinan kotuk ami ba toba de’it to’o fulan ida ami retira serbisu la la’o, entaun ita haree klima lai,” nia katak.

Responsável ekipa IJE ne’e garante katak, bainhira kondisaun klima normál, sei normaliza ho durasaun tempu semana rua, tanba IGE Rejiaun IV Maliana dadaun ne’e prepara ona ekipamentu buldozer ida, eksavator rua, kamioneta hamutuk unidade haat mak atu tún ba terrenu.

Notísia relevante: MOP orienta IGE normaliza ponte Bilimau

Jornalista         : Sérgio da Cruz

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here