Diretór Jerál Planu no Parseria, Ministériu Edukasaun Juventude no Desportu (MEJD), Antoninho Pires. Imajen TATOLI/Egas Cristóvão

DILI, 06 janeiru 2022 (TATOLI)–Ministériu Edukasaun Juventude no Desportu (MEJD) hahú hosi janeiru to’o dezembru 2021, realiza ona pagamentu retroativu ba profesór 2.000 iha territóriu nasionál.

“Ami to’o agora seidauk iha data atu kompleta, maibé pelumenus profesór sira ne’ebé iha progresaun eskalaun ne’e hamutuk 2.000 mak hetan ona pagamentu retroativu,” Diretór Jerál Administrasaun no Finansa Ministériu Edukasaun Juventude no Desportu (MEJD), Antoninho Pires, hateten, ba Agência TATOLI iha ninia knaar fatin, iha edifísiu Villa verde, kinta ne’e.

Notísia relevante: MEJD promete dezembru sei selu retroativu profesór 54 asume kargu diretiva

Aleinde ne’e, MEJD prevee nafatin orsamentu ba pagamentu retroativu atu kontinua halo pagamentu ba profesór sira.

“Orsamentu ami prevee nafatin, maibé ninia montante ami seidauk bele fó sai ba públiku tanba ami seidauk hetan orientasaun hosi Ministru,” Ministru akresenta.

Pagamentu retorativu ne’e kada tinan sempre realiza ba  profesór sira, ne’ebé iha progresaun ba eskalaun tanba balun tinan kotuk la konsege hetan, entaun tinan ne’e bele hetan oportunidade atu hadi’a eskalaun

Aleinde ne’e, liga ba asuntu kaderneta eskolár, tinan ne’e sira sei prepara de’it kaderneta eskolár ba estudante foun tanba estudante tuan sira tinan kotuk hetan ona kaderneta.

“Sira tuan ne’e ami la konta tanba ami foin maka fahe kaderneta eskolár ba sira iha outubru no novembru nia laran. Kaderneta ne’ebé ami fahe ona, eskola sira uza lai, nune’e kuandu iha fali relatóriu mak presiza tan maka ita bele prepara,” nia akresenta.

Planu atu kontinua produsaun kaderneta eskolár ne’e tenke bazeia ba númeru estudante sira, tanba daudaun parte ministériu seidauk iha dadus.

Jornalista : Tomé Amado

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here