Ró Tranship II. Imajen Tatoli/Francisco Sony.

DILI, 05 janeiru 2022 (TATOLI)—Vise-Prezidente Komisaun E ne’ebé  trata asuntu Infaestrutura, Fabião de Oliveira, hateten prosesu pagamentu ba Ró Tranship II presiza hein prosesu judisiál nian.

Notisia Relevante: Kazu ró Tranship II iha faze investigasaun

“Depende ba desizaun Tribunál sei deside katak kompañia presiza iha pagamentu no se rekezitu balun kompañia ne’ebé la prenxe,” Fabião de Oliveira hateten ba Agéncia Tatoli, iha Parlamentu Nasionál, kuarta ne’e.

Ró Tranship entrega ba Komisaun Antí Korrupsaun (CAC, siglá portugés) halo investigasaun no hanoin katak CAC halo investigasaun ramata ona no sei entrega ba Ministériu Públika (MP) mak deside tanba ida-idak iha nia kompeténsia.

“Ami só halo fiskalizasaun katak iha iregularidade ruma ladún di’ak iha ró Tranship kona-ba ninia fasilidade, nune’e iha rekomendasaun ba iha Governu no sosiedade sivíl balun aprezenta kestaun ne’e ba CAC entaun ita entrega ba MP mak deside,” nia dehan.

Governu halo tiha ona kontratu ba kompañia hodi autoriza halo operasaun maibé ró fila ona seidauk hetan pagamentu ne’e, nia dehan, bele prezudika imajen Governu nian bainhira halo tan kontratu ruma ho empreza estranjeiru sira seluk.

“Ha’u hanoin orsamentu ne’ebé prevee atu selu ne’e tenke selu. Ami Parlamentu Nasionál la to’o iha ne’eba no PN aprova osan atu selu no aluga ró. Se la selu ne’e problema ka kestaun seluk entre konpañia ho Governu,” nia dehan.

Notísia Relevante: CAC iha faze analiza pedidu APORTIL ba pagamentu ró Tranship II

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here