Médiku sira halo hela atendimentu ba pasiente sira iha HNGV, kuarta 5/1/2022.Imajen Tatoli/Antonio Dasiparu

DILI, 05 janeiru 2022 (TATOLI)—Ministra Saúde, Odete Maria Freitas Belo, hateten koordena ona ho Ospitál Nasionál Guido Valadares (HNGV, sigla portugés) atu muda pasiente sira ne’ebé baixa maibé la uza ekipamentu espesífiku ba halo tratamentu iha Vera-Kruz.

“Ha’u enkontru ona ho Diretór Ezekutivu HNGV ho Diretora servisu Saúde munisípiu Dili hodi haree fatin izolamentu Vera-Kruz ne’ebé mamuk ona, bele utiliza ba pasiente ne’ebé mak baixa, maibé la uza ekipamentu espesífiku sira muda fali ba halo tratamentu iha Vera-Kruz atu hamamuk fatin hodi prepara ba moras dengue nian”, Ministra Odete ba TATOLI iha Pálasiu Governu-Dili, kuarta ne’e.

Notísia Relevante:  HNGV laiha espasu sufisiente simu pasiente

HNGV rejista pasiente ne’ebé daudaun baixa hamutuk 750, hosi númeru ne’e maioria pasiente ho pozitivu dengue.

Governante ne’e dehan HNGV ho Servisu Saúde Munisípiu Dili, hala’o hela preparasaun atu muda pasiente ba Vera-Kruz.

Iha fatin ketak, Diretór Ezekutivu HNGV, Alito Soares, informa tempu badak HNGV muda pasiente iha Departamentu  NIFAS ba halo tratamentu iha Vera-Kruz.

“Ita  prepara ona fatin atu tempu badak ita muda pasiente ne’ebé ho kondisaun di’ak ba iha Vera-Kruz hodi halo tratamentu”, nia garante.

Notísia Relevante: 2021, SSMD rejista pasiente dengue 672 no óbitu na’in-ualu

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here