Imajen/Espesiál.

COVALIMA, 04 janeiru 2022 (TATOLI)—Administradór Munisípiu Covalima, Francisco de Andrade, informa Orsamentu Jerál Estadu (OJE) tinan 2022 ba munisípiu Covalima hamutuk $3,990,360 sei fó prioridade ba programa 11, sub-programa 32 no atividade 62. 

“OJE 2022 ba munisípiu Covalima hamutuk $3,990,360 hosi orsamentu ne’e, ita mós halo planu hodi fó prioridade ba programa ne’ebé tuir loloos planu 30-resin, maibé aprova de’it planu 11,” Administradór munisípiu Covalima ne’e informa ba Agência Tatoli, iha nia knar fatin, tersa ne’e. 

Programa prioridade 11 ne’e mak hanesan estrada no ponte hamutuk $77,734, ne’ebè aloka ba saláriu no vensimentu $43,128, bens servisu $34,606, programa dezenvolvimentu ruràl no urbanu $353,606. 

Programa seguransa nasionál $87,414 no hosi orsamentu ne’e aloka ba saláriu vensimentu $10,260 bens servisu $ 77,154.

Programa asesu ba justisa ho nia orsamentu $56,131 ne’ebè aloka ba saláriu no vensimentu $35,904 no bens servisu $20,227. 

Ba programa boa-governasaun no jestaun instituisionál aloka orsamentu $1,652,192 ne’ebè aloka ba saláriu no vensimentu $554,975, bens no servisu $424,237 no transferénsia públika $672,980.

Programa ba Agrikultura hamutuk $498,818 ne’ebè aloka ba saláriu no vensimentu $343,644, bens no servisu $155,174. 

Programa ba água no saneamentu ho nia orsamentu hamutuk $200,793 aloka ba saláriu no vensimentu $92,688, bens no servisu $108,105.

Programa saúde ho nia orsamentu $220,805 ne’ebè aloka ba saláriu no vensimentu $132,504  no bens servisu hamutuk $88,301.

Programa Edukasaun no formasaun aloka orsamentu $668,764 ne’ebè aloka ba saláriu no vensimentu $155,004, bens no servisu $54,312 no transferénsia públika hamutuk $459,448. 

Ba igualdade jéneru inkluzaun sosiál aloka orsamentu $138,215 ne’ebè aloka ba saláriu no vensimentu $10,416, bens no servisu $87,799 no kapitál menór $40,000 no ba programa turizmu  orsamentu $35,888 ne’ebè aloka ba saláriu no vensimentu $10,272, bens no servisu $25,616.

Nune’e, OJE 2022 ba Covalima hamutuk $3.990,360 ne’ebè aloka ba saláriu no vensimentu $1,388,795, bens no servisu $1,075,531, transferénsia públiku $1,132,428, kapital menór $40,000 no kapitál dezenvolvimentu $353,606 hodi aloka ba programa 

“Ami halo aprezentasaun orsamentu ba munisípiu Covalima tinan 2022 hamutuk millaun $7-resin ne’e, inklui ho orsamentu audisionál maibé aprova orsamentu hamutuk $3, 990,360,” nia dehan.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here