Diretór STAE Covalima, Francisco Gusmão. Imajen Tatoli /Celestina Teles.

COVALIMA, 04 janeiru 2022 (TATOLI)—Diretòr Sekretariadu Tékniku Administrasaun Eleitorál (STAE) munisípiu Covalima, Francisco Gusmão informa, hahú iha fulan-jullu o’o fulan-dezembru 2021, STAE Covalima rejista ona eleitór foun hamutuk 3010.

“Kona-ba total eleitór ne’ebé mak STAE Covalima rejista hahù iha fulan-jullu to’o dezembru 2021 foin lalais, ha’u halo konfirmasaun ba iha STAE nasionàl bazea ba ha’u-nia relatóriu ne’e eleitór hamutuk 3010,” Francisco Gusmão hateten ba Agência Tatoli iha nia kna’ar fatin, tersa ne’e. 

Durante ne’e, STAE Covalima rejista eleitór foun hamutuk 3010 hosi númeru ne’e hamutuk 1599 kompostu hosi feto 752 no mane 847.

Daudaun ne’e, eleitór atualizadu hamutuk 1286 no hosi númeru ne’e kompostu hosi mane hamutuk 860 no feto 426, no print sala ne’e hamutuk 125. 

Tanba ne’e, iha fulan-jullu, STAE Covalima rejista eleitór foun hamutuk 530 kompostu hosi mane 264 no feto 266, eleitór ne’ebé atualizadu 182 kompostu hosi mane 119 no feto 63, print sala 17.

Iha fulan-agostu, eleitór foun hamutuk 279 ne’ebé kompostu hosi mane 148 no feto 131, eleitór atualizadu 177 ne’e mane 123 no feto 54, print sala 29. 

Fulan-setembru, eleitór foun hamutuk 492 ne’ebé kompostu hosi mane 281 no feto 211, eleitór atualizadu 412 ne’e mane 277 no feto 135, print sala 44.

Iha fulan-outubru, eleitór foun hamutuk 139 ne’ebé kompostu hosi mane 67 no feto 70, eleitór atualizadu 275 kompostu hosi mane 189 no feto 86, print sala 19. 

Fulan-novembru, eleitór foun hamutuk 103 ne’ebé kompostu hosi mane 57 no feto 46, eleitór atualizadu 160 ne’e mane 100 no feto 60, print sala 11.

Iha fulan-dezembru, eleitór foun hamutuk 58 ne’ebé kompostu hosi mane 30 no feto 28, eleitór atualizadu 80 kompostu hosi mane 52 no feto 28, print sala lima (5).

Aleinde rejista eleitór foun no eleitór atualizadu sira, STAE Covalima mós hahú halo rekrutamentu ba brigada hamutuk 80  hodi halo preparasaun ba eleisaun prezidensiál 2022. 

“Ami foin hahú halo rekrutamentu ba brigada sira hodi destaka iha sentru votasaun maibé seidauk iha kalendáriu ne’ebè mak STAE fó sai. Maibé, brigada hirak ne’e asina kontratu durante fulan haat (4) ne’ebè sira hahú halo servisu ona,” nia hateten 

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here