Uma Kbiit laek (UKL) iha suku Fatulia, postu administrativu Venilale, munisípiu Baucau. Imajen Tatoli/Natalino Belo.

DILI, 03 janeiru 2022 (TATOLI)—Diretora Sekretariadu Tékniku Programa Nasionál Dezenvolvimentu Suku (ST-PNDS), Claudina Soares Pinto, informa hosi uma kbiit laek 1.254 ne’e uma 22 mak seidauk konstrui tanba iklima la di’ak hodi difikulta labele asesu dalan hodi lori ekipamentu konstrusaun atu konstrui Uma Kbiit Laek (UKL) iha suku sira.

Notísia Relevante: Konstrusaun Uma Kbiit Laek nia progresu fíziku foin atinje 14%

“Asesu dalan mak sai obstakulu hodi konstrui UKL iha suku sira nune’e to’o agora uma hamutuk 22 mak seidauk halo tanba kauza hosi iklima ladi’ak hodi difikulta ba dalan,” Diretora PNDS hateten ba Agência TATOLI, iha nia knar fatin Colmera, Dili, segunda ne’e.

Hosi uma 22 ne’ebé mak seidauk konstrui ne’e iha ninia área jeográfika susar tebes liuliu asesu dalan mak suku Wairoke, munisípiu Lautém, iha suku tolu iha postu administrativu Laclubar, munisípiu Manatuto nian ne’ebé kauza hosi inundasaun ne’ebé to’o agora dalan kotu.

Iha suku Soba Asanuno nian ne’e mós defísil atu asesu dalan entaun labele konstrui, no dalan iha suku Usicai, postu Zumalai nian mós dalan kotu tiha entaun labele lori materiál konstrusaun ba iha benefisiáriq sira-nia hela fatin.

Ho kestaun hirak ne’e, nia dehan, PNDS nia parte esforsu no tenta halo koordenasaun ho Institutu Jestaun Ekipamentu (IGE, sigla portugés) para ajuda no lista suku sira ne’ebé defísil asesu dalan ne’e PNDS submete hotu ona ba IJE.

“Maske nune’e, ami nafatin iha esperansa tanba ami koordena di’ak ho parte IJE no tempu badak ita sei konklui hotu kostrusaun Uma Kbiit Laek (UKL) ne’e iha tinan ne’e nia-laran,” nia dehan.

Notísia Relevante: Konstrusaun ‘Uma Kbiit Laek’ iha munisípiu 12 atinje ona 25%

Jornalista : Osória Marques

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here