Seremónia hasa’e diviza ba membru, iha Quartel PNTL Viqueque, segunda (05/01). Imajen TATOLI/Vitorino Lopes da Costa

VIQUEQUE, 03 janeiru 2022 (TATOLI)-Komandu Polísia Nasionál Timor-Leste (PNTL) munisípiu Viqueque, segunda ne’e, promove diviza ba membru neen.

“Promosaun ne’e hosi ajente ba ajente prinsipál na’in-neen no ajente prinsipál ba ajente xefe na’in-rua, maibé agora daudaun membru PNTL ida ho kondisaun moras,” Komandante PNTL munisípiu Viqueque, Superentendente Polísia, Sebastião Alves Quintão, hateten ba Agência TATOLI, hafoin hasa’e diviza ba membru, iha Quartel PNTL Viqueque.

Kritéria membru atu hetan promosaun diviza, sei haree ba atividade, tantu diviza ajente prinsipál ba ajente xefe, ho kategoria Polísia seniór ona.

“Maibé bainhira sira balun komete kazu hosi tinan 2022 tenke pendente,” nia akresenta.

Aleinde ne’e, regra PNTL bainhira membru ida komete kazu ruma, liu tiha prosesu kazu ramata maka foin hetan promosaun.

“Tanba ne’e, ohin iha formatura ha’u apela ba membru sira hotu, atu mantein disiplina no labele envolve iha kazu ruma. Nune’e to’o iha tempu promosaun labele iha pendente diviza”, nia hato’o.

Nune’e, Komandante Polísia sujere membru Polísia iha munisípiu Viqueque tenki profisionál, nune’e bainhira halo atuasaun tenki respeitu diretu umanu.

“Iha filosofia Polísia ne’e dehan katak mai hosi povu atu serví povu. Ha’u motiva membru sira atubele hatene an no labele envolve iha organizasaun ruma hodi sira bele lori kareira profisionál la’o ba oin,” nia enkoraja.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here