Ministru Asuntu Parlamentár no Komunikasaun Sosiál, Francisco Jerónimo. Imajen TATOLI/Francisco Sony

DILI, 03 janeiru 2022 (TATOLI)–Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, husu ba mídia sira tantu imprime no eletróniku, ne’ebé sei halo kobertura iha kampaña Eleisaun Prezidensiál, tenke fó espasu hanesan ba kandidatura sira.

“Ha’u husu mídia komunikasaun sosiál atu fó espasu hanesan ba kandidatura hotu atu espresa sira-nia programa liuhosi kampaña,” Ministru informa hafoin enkontru regulár ho Primeiru-Ministru (PM), Taur Matan Ruak, iha rezidénsia Farol, segunda ne’e.

Notísia relevante: Dadus provizóriu: STAE rejista eleitór 855.630 hosi janeiru-outubru 2021

Iha ámbitu ne’e, MAPKOMS husu atu mídia hotu labele halis ba kandidatu balun, maibé tenke fó espasu hanesan.

“Liuliu rádiu no televizaun sira, sé bele oferese antena hanesan ba kandidatu sira tuir regra ne’ebé prevee, atu nune’e estabilidade ne’e ita bele garante, liliu iha komunikasaun sosiál, enkuantu kona-ba seguransa ne’e buat seluk ida”, nia akresenta.

Foin lalais, Governu liuhosi Ministériu Administrasaun Estatál (MAE) aprezenta ona kalendáriu tentativa realiza eleisaun prezidensiál, iha loron 18 marsu 2022, ba Prezidente Repúblika, Francisco Guterres ‘Lú Olo’.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here