Karreta Bakufila:foto/Espesial

DILI, 31 dezembru 2021 (TATOLI)—Komandante Polisia Munisípiu Manatuto, Superintendente Polisia, João da Costa relata kazu asidente trafegu Bus Mabenifa ho númeru matríkula 36.806 ne’ebé baku fila iha área Manatuto rezulta kondutór kanek grave inklui pasajeiru rua seluk.

Kazu ne’e akontese iha loron 31 fulan-dezembru mazumenus tuku 06:00 madrugada Otl, iha baliza entre Manatuto Villa ho Postu Administrativu Laleia tanba kauza husi kondutór matan dukur.

“Konforme relatóriu ne’ebé ha’u iha katak kondutór ne’e naran Sulistiano Ribeiro dos Santos, nia iha karta kondusaun,  tuir testamuña sira ne’ebé sa’e tuir  bus ne’e hateten, bus ne’e  sai hosi Dili tuku ida madrugrada,” Nia informa ba Agência Tatoli via telefônika, sesta ohin.

Tuir relatóriu ne’e katak viajén husi Dili to’o Manatuto kuaze lori oras haat,  tanba kondutór obrigatóriu tenke para karreta ida dalan kuaze dala haat hodi deskansa tanba sofre matan dukur.

Nia hateten tuir loloos kazu asidente trafego ne’e akontese iha área subaun nian tanba kondutór lakon ona kontrolu maibé,  la konsege baku fila hodi la’o to’o fatin akontesimentu foin akontese kazu ne’e.

Komandante Polísia Munisípiu Manatuto ne’e la esplika detaillu kona-ba pasiente hirak ne’ebé kanek grave.

Maibé nia informa de’it bus ne’e ho diresaun Dili-Baucau hodi tula pasajeiru hamutuk ema na’in-30, no kazu ne’e la rezulta ema mate.

“Sira kondisaun  ida rua maka kondisaun grave inklui kondutór mós kondisaun grave daudaun sira  lori  ona  bá  HNGV atu halo tratamentu restu kanek kmaan”, nia haktuir.

Jornalista: Natalino Costa

Editór :Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here