Traballadór sira hatun foos iha Portu Dili. Imajen TATOLI/António Gonçalves

DILI, 31 dezembru 2021 (TATOLI)—Prezidente Repúblika, Francisco Guterres Lú Olo, husu ba Governu Konstitusionál da-ualu atu dezenvolve setór produtivu iha tinan 2022 hodi hamenus importasaun husi rai-liur.

Prezidente da Republika Francisco Guterres Lu Olo aifunan iha Estatu Heroi Nasional Prezodente Nicolao Lobato ba dala 43 hodi fo omenajen ba nia mate iha luta libertasaun nasional, semonia nee halao iha rotunda Nicolao Lobato Komoro, sesta 31/12/2021.Imajen Tatoli/Antonio Goncalves

Nia dehan, dezenvolvimentu iha área agrikola, liliu agrikultura familiár importante atu produs aihan lokál tanba durante ne’e, Timor-Leste importante aihan barak liu husi estranjeiru kompara ho rai-laran.

“Ita nia País la’ós soberanu bainhira ita laiha soberania alimentár,”Francisco Guterres Lú Olo, iha ámbitu komemorasaun loron Eroi Nasionál ba dala 43 iha Rotunda Prezidente Nicolau Lobato Dili, Sesta ohin.

Krize boot ne’ebé kauza husi pandemia COVID-19 afeta maka’as ba ekonomia liliu kestaun soberania aihan, tanba ne’e ba futuru, Governu tenke tau iha planu proridade.

“Ita seidauk hatene loloos bainhira mak pandemia husi COVID-19 ne’e ramata. Foin lalais ne’e mosu fali variante foun ida ne’ebé da’et lais tebes. Ita husu ba ita nia-an rasik. Sá lisaun mak ita hasai husi pandemia ne’e, ho esperiénsia moruk ne’e, ita tenke buka dalan foun ba hala’o dezenvolvimentu,” nia dehan.

Jornalista:Tomé Amado

Editór :Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here