Karru funeráriu para hela iha administrasaun munisípiu Viqueque, kinta (30/12). Imajen TATOLI/Vitorino Lopes da Costa

VIQUEQUE, 30 dezembru 2021 (TATOLI)—Munisípiu Viqueque simu ona karru funeráriu foun ida, iha semana kotuk, hodi reforsa serbisu no ajuda komunidade.

“Antes ne’e karru funeráriu iha munisípiu Viqueque iha tolu, maibé rua avaria hotu no ida maka funsiona hela, daudaun foun mai ona ne’ebé di’ak,” Administradór munisípiu Viqueque, Januário Soares ‘Bolly’, hateten ba Agência TATOLI, iha administrasaun munisipál, kinta ne’e.

Tuir Administradór, durante ne’e, karru funeráriu funsiona ida hodi atende komunidade iha postu lima, ne’ebé sai difikuldade ba komunidade.

“Munsípiu Viqueque esforsu loke konkursu públiku no konsege empreza Mutiara mak sai manán-na’in hodi sosa karru funeráriu foun ne’e, ho ninia kustu $39.000,” nia akresenta.

Daudaun ne’e iha ona karru funeráriu rua hodi responde ba nesesidade komunidade.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here