Reprezentante Embaixada Japaun iha Timor-Leste, Kazumi Yamada. Imajen Tatoli/Francisco Sony

DILI, 29 dezembru 2021 (TATOLI) – Estadu no Povu Japaun, durante iha tinan 2021 ne’e, apoia ona orsamentu millaun $77 iha área prioridade oin-oin hanesan ekonómia, dezenvolvimentu ho hadi’ak infraestrutura, seguransa no defeza, kapasitasaun rekursu umanu, saúde no seluk tan.

Xefe Adjuntu Embaixada Japaun iha Timor–Leste, Kazumi Yamada, hateten, durante tinan 2021, Japaun apoia ona Timor –Leste iha área oi-oin ba prosesu dezenvolvimentu ho totál orsamentu millaun $77.

“Japaun mós ajuda Timor-Leste oinsa atu kombate Covid-19 liuhosi oferese vasina AstraZaneca hamutuk doze 170,000, ita mós ajuda barak iha inundasaun iha 04 abríl liubá iha territóriu tomak, ita ajuda mós projetu sira mellora vida komunidade iha nivél baze hanesan harii eskola no fasilidade saúde sira, ne’e mak ho totál osan milaun $77,” Kazumi Yamada, hateten ba Agência TATOLI iha edifísiu Ministériu Finansa-Aitarak-Laran Dili, foin lalais ne’e.

Notísia Relevante: Governu Japaun opoia karreta box no forklift 15 ba MS 

Japaun mós fó apoia sira dezastre natural ne’ebé akontese  loron 04 abríl atu halo noralizasaun no estudu mellora infraestrutura iha Timor-Leste.

“Tinan 10 liubá, Japaun iha esperénsia kona-ba dezastre naturál ida ho eskala sem presedente, rai nakdoko boot iha Leste Japaun. Iha tempu ne’ebá, Timor-Leste hatudu ninia solidaridade no amizade ba Japaun liuhusi fó doasaun ho montante millaun $1. Agora ne’e ami nia tempu lolo-liman hodi ajuda ami nia belun sira,” Diplomata ne’e akresenta.

Governu Japaun liuhosi Ajénsia Koperasaun Internasionál Japaun (JICA) fó apoia emerjénsia ba Timor-Leste hodi responde ba estragu kauza hosi inundasaun.

“Ami espera katak asisténsia ida ne’e sei ajuda hakamaan netik vítima sira hosi inundasaun ne’e nia terus,” nia espera.

Notísia Relevante: Japaun Oferese US$2 milloen ba Ospital

Nune’e, Japaun hamriik firme hodi prontu apoia no konsidera asisténsia saida deit mak bele oferese mai Timor-Leste hodi rekupera hosi dezastre natural no dudu dezenvolvimentu nasionál atu harii futuru ida ne’ebé nabilan liu.

Japaun mós halo ona akordu finansiamentu Governamental ida ba suporta projetu responde no rekuperasaun inundasaun ho osan no hahan ba servisu hodi responde ba kalamidade kauza husi inundasaun iha loron 04 abríl

Iha projetu ne’e, Japaun, liuhosi ADB, oferese ona osan ho montante millaun $1, atu hadi’a infraestrutura bázika ba komunidade iha aldeia afetadu inundasaun 50 resin.

Japaun mós entrega ona transporte liuliu ambulánsia no ekipamentu médiku hodi kombate propagasaun COVID-19.

Ekipamentus ne’ebé mak entrega iha projetu ida ne’e, ho valor osan millaun $4,6, inklui ambulánsia 38 no ekipamentu médiku sira seluk ne’ebé utuliza ona iha munisipiu hotu.

Notísia Relevante:  Japaun oferese ambulánsia 38 ba MS

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here