Komandante PNTL RAEOA, Superintendente Xefe Mateus Mendes Assunção. Imajen Tatoli/Abílio Elo Nini.

OÉ-CUSSE, 29 dezembru 2021 (TATOLI) – Komandante Polísia Nasionál Timor-Leste (PNTL), Rejiaun Administrativa Espesiál Oé-Cusse Ambeno (RAEOA), Superintendente Xefe, Mateus Mendes Assunção, sei aprezenta sidadaun na’in-10 ba Trbunál Ditritál Oé-Cusse (TDO) tanba prátika fogete tradisionál iha selebrasaun Natál.

Sidadaun na’in-10 ne’e komandu rejiaun Oé-Cusse seidauk fó identidade kompletu, no daudaun ne’e servisu polísia investigasaun halo ona prosesu investigasaun, hodi aprezenta ba iha Tribunál Distritál Oé-Cusse hodi halo prosesu penál.

“Sidadaun sira-ne’e ita identifika iha sub-rejiaun Pante Makasar, ha’u haree fogete ne’e tradisionál besik ema na’in-10 mak halo prátika iha natál, ne’ebé investigasaun rejista ona no halo ona investigasaun, depois tinan foun ita sei aprezenta ba iha tribunál atu halo prosesu legál ba sira,” Mateus Mendes Assunção, informa ba Agência Tatoli iha Igreja Numbei, Oé-Cusse, kuarta ne’e.

Nia fó-sai katak, situasaun jerál iha Oé-Cusse la’o tuir espetativa públiku tanba komandu distritál simu orientasaun hosi komandante jerál atu halo planu no ezekusaun iha selebrasaun Natál no tinan foun, nune’e komandU forma ekipa tuir númeru ne’ebé iha, servisu hamutuk ho Forsa Defeza Timor-Leste atu asegura selebrasaun ne’e la’o ho susesu.

Nia dehan, kooperasaun seguransa ho komunidade la’o di’ak, la hanesan tinan hirak liuba, tanba dala barak sidadaun balu uza sasán tarutu iha misa laran, maibé tinan ne’e komunidade sira komprende hodi kontribui.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here