Osan Dolar Amérika. Imajen/Espesiál

COVALIMA, 29 dezembru 2021 (TATOLI)—Supervizor EDTL, E.P, António Mali, informa hahú hpsi novembru to’o dezembru tinan ne’e EDTL, E.P Covalima kontribui reseita $2000 ba kofre Estadu, hosi fonte rekola liuhosi ré-instalasaun kontadór no kliente sira la halo nova ligasaun direta hosi EDTL, E.P la selu administrasaun.

“Tuir loloos ami tenke fó sansaun ba kliente sira tanba bazea ba sirkulár hateten kliente halo ligasaun ilegál sei aplika multa tuir ampere, maibé bazea ba regra EDTL, E.P bainhara kliente halo ligasaun ilegál tenke halo re-instala ba sira no selu $36,” António Mali informa ba Agência Tatoli iha nia kna’ar fatin, Covalima, kuarta ne’e.

Iha fulan-novembru ba períodu dahuluk, EDTL, E.P instala ona kontadór ba kliente sira hamutuk 1000 maibe la to’o, tanba ne’e EDTL, E.P Covalima husu tan kontadór unidade 1.500 ne’ebè mak oras ne’e daudaun halo hela instalasaun. 

Nia hateten, iha postu administrativu Suai Vila, suku Suai Loro, Camnasa, Debos no Suku Labarai ne’e halo ona instalasaun kontadór ba kliente sira no falta de’it suku Beco mak oras ne’e daudaun sei halo instalasaun ne’ebè seidauk finaliza. 

Funsionáriu públiku ne’ebè servisu iha EDTL, E.P Covalima hamutuk 17 no hosi númeru ne’e na’in-tolu (3) destaka iha postu administrativu sira no funsionáriu kontratadu na’in-14. 

Jornalista : Celestina Teles

Editór      : Cancio  Ximenes

PUBLISIDADEiklan

1 KOMENTÁRIU

  1. Município boot ida maka rekolla fulan rua nia laran rekolla de’it $2.000 ne’e, ha’u, presoalmente dúvida uitoan. Se ita haree didi’ak, katak tinan tomak nia laran sira rekolla de’it 12.000. Iha parte seluk, iha Município Bobonaro, EDTL rekolla $470.495.88. Karik ita halo komparasaun didi’ak, média fulan nian husi osan ne’ebé sira rekolaa dook malu loos. Klaru katak haree husi númeru populasaun nian iha diferensa duni, maske nune’e la tama iha lójika nafatin. Karik bele, jornalista ne’ebé hakerek notícia ida-ne’e bele ba konfirma to’ok ho Diretor EDTL central nian, tanba tuir ha’u nia haree, iha buat ruma ladún loos.

HAKEREK NO HATÁN

Please enter your comment!
Please enter your name here