Ministériu Turismu, Komérsiu no Indústria (MTKI) liuhosi Inspetór Jerál Jogu apoia nesesidade bázika ba vitíma dezastre naturál iha suku Bucoli. Imajen Tatoli/Natalino Belo.

BAUCAU, 28 dezembru 2021 (TATOLI) – Ministériu Turismu, Komérsiu no Indústria (MTKI) liuhosi Inspetór Jerál Jogu apoia nesisidade bázika ba vítima dezastre naturál iha suku Bucoli, postu admistrativu Baucau Villa, munisípiu Baucau.

Ministru José Lucas do Carmo da Silva, hateten, apoia ne’e nu’udar espresa solidariedade ba vitíma dezastre naturál, ministériu mos halo kooperasaun ho kompañia jogu liuhosi inspetór jogu ne’ebé hala’o durante tinan barak ona.

Ministru Turismu, Komérsiu no Indústria (MTKI), José Lucas do Carmo da Silva, entrega nesesidade bázika ba vítima dezastre naturál iha Bucoli. Imajen Tatoli/Natalino Belo.

“La lori buat barak maibé sasán ne’ebé uitoan bele hakmaan maun-alin sira iha tempu difisil nune’e bele rekupera fali atu ba fali to’os. Ida-ne’e mak ministériu hamutuk ho parseiru sira mai hakmaan de’it ita-boot sira-nia tempu difisil,” Ministru José ko’alia iha sede suku Bucoli, tersa ne’e.

MTKI hamutuk ho parseiru sira sei kontinua atividade sosiál hanesan ba fatin hotu bainhira mosu dezastre naturál iha teritóriu nasionál.

Inspetór Jerál Jogu MTKI, Domingos da Costa Guterres, fó-sai katak, kontribuisaun sosiál ne’e apoia hosi kompañia jogu komunitária hanesan Timor Holding no Ralili Jaya.

Kontribuisaun sosiál ne’e hanesan super mie, mina, fós, sabaun, sampo, rinso, susu-been, biskuit no biti.

Xefe suku Bucoli, Terezinha dos Reis, agradese ba Governu liuhosi MTKI ne’ebé ho laran luak ajuda ona vitíma dezastre naturál sira iha suku refere.

“Husu ba vitíma sira simu ho liman-rua ba ajudu ne’ebé iha natoon ba ita, mesmu oituan mós ba ita to’o ona,” Xefe suku ne’e hateten.

Entretantu antes ne’e Governu liuhosi Sekretaria Estadu Protesaun Sivíl apoia emerjénsia no apoia materiál konstrusaun inklui osan mao de obra ba vitíma xefe-família hamutuk 97 hosi totál uma estragu 54.

Jornalista         : Natalino Belo

Editór               : Evaresto Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here