Ministra Saúde, Odete Maria Freitas Belo. imajen/Media MS

DILI,29 dezembru 2021 (TATOLI)— Governu liuhosi Ministra Saúde, Odete Maria Freitas Belo, hateten, nia kompromete, tempu besik, Ministeriu Finansa sei konklui ka finaliza pagamentu suplementu remuneratóriu ba profisionál saúde liña frente sira.

“Ami husu sira ne’ebé seidauk simu kalma oituan  tanba subsídiu ne’e fó ba instituisaun barak, ne’ebé balun ne’ebé seidauk simu nia direitu sei la lakon, nune’e Governu sei konklui hotu iha tempu badak,’’ Ministra Odete, hateten ba jornalista sira iha Hospitál Antonio Carvalho Lahane, kuarta ne’e.

Notísia Relevante: MS submete ona lista Profisionál Saúde ba MF

Tanba, MS submete hotu ona dokumentu no lista liña frente hamutuk 7.000-resin sira ba Ministériu Finansa atu halo verifikasaun kompletu, hasfoin halo pagamentu.

“Tanba automatikamente pagamentu ne’e balun uluk no balun ikus tanba osan ne’e sei la lakon. Ministériu Finansa mós la’ós halo pagamentu ba saúde de’it, maibé iha mós  membru PNTL  no F-FDTL,’’ nia afirma.

Notísia Relevante: MF kontinua realiza pagamentu ba PNTL no pesoál saúde

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here