Primeiru Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (29/12). Imajen TATOLI/Francisco Sony

DILI, 29 dezembru 2021 (TATOLI)–Governu liuhosi Konsellu Ministru (KM) aprova projetu Dekretu-Lei, ne’ebé aprezenta hosi Ministru Finansa, Rui Augusto Gomes, kona-ba kria no regula apoia finanseira temporária no estraordináriu ba empreza no traballadór individuál ne’ebé la serbisu ba ema ka instituisaun seluk, maibé rejista iha rejime kontributivu seguransa sosiál.

“Diploma ne’e ho objetivu atu hamenus impaktu pandemia ba ekonomia nomós hodi kontribui ba manutensaun postu traballu no subrevivénsia empreza sira,” Ministru Prezidénsia Konsellu Ministru, Fidelis Manuel Leite Magalhães, hateten hafoin reuniaun ezekutivu, iha Palásiu Governu, kuarta ne’e.

Notísia relevante: INSS rejista ona entidade empregadór no traballadór hamutuk 1.715

Ministru esplika, diploma ne’e vizente hela, tanba ne’e parte Governu halo esforsu atu rekupera ekonómika.

“Ho aprovasaun ne’e, osan ne’ebé iha hela, Governu sei transfere ba seguransa sosiál, maski tinan ne’e ramata, maibé ninia ezekusaun bele kontinua nafatin ba iha tinan oin,” nia esplika.

Jornalista : Antónia Gusmão

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here