Prezidente Komisaun B (Negósiu Estranjeiru, Defeza no Seguransa), José Agostinho Sequeira ‘Somotxo’, Imajen/Dok.Tatoli

DILI, 29 dezembru 2021 (TATOLI)—Prezidente Komisaun B Trata Asuntu Defeza, Seguransa no Negósiu Estranjeiru, Deputadu José Agostinho Sequeira ‘Somotxo’, husu timor-oan hotu atu iha ámbitu troka tinan tuan 2021 no tinan foun 2022 ne’e hodi halo reflesaun atu hametin pás no estabilidade.

“Konflitu sira-ne’ebé dalaruma hanesan mosu laiha nesesidade tanba konflitu sira ita nunka hetan benefísu ba tan ida-ne’e mak ha’u apela tinan tuan no tinan foun  bele hetan pás no estabilidade ba ita-nia rain hodi kontribui ba dezenvolvimentu,”  Prezidente Komisaun B ne’e hateten ba Agéncia Tatoli, liuhosi telefónika, kuarta ne’e.

Estabilidade hanesan fatór importante maibé presiza ema hotu nia kontribuisaun nu’udar sidadaun no bainhira iha problema ruma buka malu atu tuur hamutuk hodi halo diálogu.

“Natál liu ona no la kle’ur tan hosik tinan tuan ba tinan foun atu troka malu, iha todan ka sala ruma iha tinan tuan ne’e, lori ita ho hanoin ida foun atu simu tinan foun 2022 tuir tradisaun,” nia hateten.

Tanba, nia dehan, estabilidade ne’e la’ós responsabilidade Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL) nian de’it, maibé sidadaun hotu nia responsabilidade.

PNTL no F-FDTL, nia dehan, la to’o rihun 10 ne’ebé sei fó seguransa ba povu tomak ne’ebé iha millaun ida-resin iha Timor-Leste no seguransa ne’e iha ema hotu nia responsabilidade.

Notísia Relevante: PNTL prioritiza seguransa nasionál iha OJE 2022

Jornalista : Nelson de Sousa

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here