Ministériu Saúde liuhosi SAMES hala’o destroisaun ba produtu medikamentu tinan 2021 nian no vasina AstraZeneca no Sinovac ne'ebé liu prazu iha Tibar, Tersa 28/12/2021.Imajen Tatoli/Antonio Goncalves

LIQUICA,28 dezembru 2021 (TATOLI)— Servisu Autónomu Medikamentu no Ekipamentu Saúde (SAMES), tersa ne’e, halo  destroisaun ba aimoruk ne’ebé liu prazu iha armazein hamutuk item 207 iha lixu fatin Tibar, munisípiu Liquiça.

Jornalista sira intervista hela Diretor Ezekutivu SAMES bainhira partisipa iha destroisaun ba produtu medikamentu iha Tibar, Tersa 28/12/2021.Imajen Tatoli/Antonio Goncalves

“Aimoruk item ne’ebé mak SAMES destroi hamutuk 207 inklui mós iha vasina AstraZeneca ne’ebé liu prazu iha armazein hamutuk 4.510 iha Tibar. Tanba kada tinan ami tenke halo atividade destroisaun ba medikamentu balun, ne’ebé la konsege utiliza iha tinan ida nia laran,” Diretór Ezekutivu SAMES, Santana Martins, hateten, ba jornalista sira iha lixu fatin Tibar-Liquiça.  

Diretór Ezekutivu ne’e informa, tinan ne’e iha item aimoruk hamutuk 207 mak la konsege utiliza hotu, hanesan reajente ba laboratóriu iha item rua no item médikamentu konsumuvél  hamutuk 26.

SAMES halo destroisaun ba produtu medikamentu tinan 2021 nian no vasina AstraZeneca no Sinovac ne’ebe liu prazu iha Tibar, Tersa 28/12/2021.Imajen Tatoli/Antonio Goncalves

Hosi item 207 ne’ebé la konsege utiliza hotu ne’e kalkula ba orsamentu hamutuk $89,975,1, kompostu Orsamentu Jerál Estadu ho montante $710,713.92 ho 87,75%, fundu globál nian 10.28%, UNICEF ho 1,69%, UNFPA   0,28% no hosi OMS ho 0,01%

“Tuir indikadór ami-nia katak aimoruk ne’ebé mak prazu liu katak labele ultrapasa 5%, maibé iha tinan ida iha situasaun COVID-19  halo tratamentu  iha fasilidade saúde sira ladun iha  entaun fó efeitu ba iha  aimoruk liu prazu sa’e ba 9%. Nune’e, ita halo destroisaun hamutuk ho medikamentu konsumuvél ne’ebé aat tanba kauza inudasaun iha 4 abríl,” nia akresenta.

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here