Komadante Eskuadra postu Viqueque villa, Inspetór Asistente Polísia, Venseslau Moreira de Oliveira Freitas. Imajen TATOLI/Vitorino Lopes da Costa

VIQUEQUE, 28 Dezembru 2021 (TATOLI)–Komandante Eskuadra postu Viqueque villa, Inspetór Asistente Polísia, Venseslau Moreira de Oliveira Freitas, informa, durante selebrasaun natál situasaun la’o normál.

“Ami autoridade seguransa akompaña situasaun iha selebrasaun natál loron 24 dezembru kalan no 25 dezembru loron, situasaun iha postu Viqueque villa normál no la rejista kazu ruma. Ha’u haree komunidade sira komprende ona saida maka loron boot. Tanba ne’e, ita selebra natál kalan ho situasaun hakmatek,” Komandante Eskuadra hateten ba Agência TATOLI, iha Eskudra Polísia Nasionál Timor-Leste (PNTL), tersa ne’e.

Eskuadra PNTL Viqueque villa responsável ba suku 10 ne’ebé lokaliza iha rejiaun ne’e, nune’e Komandante husu, komunidade lokál nafatin kria pás no estabilidade hodi simu tinan foun ho hakmatek.

“Ita atu simu tan tinan foun, ha’u fiar katak situasaun sei nafatin normál no polísia nafatin halo kontrolu másimu hodi garante estabilidade,” nia akresenta.

PNTL Eskuadra Viqueque villa iha membru hamutuk na’in-22, maibé na’in-haat ho kondisaun moras no membru na’in-18 maka serbisu efetivu.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here