TDD aplika prizaun prevetiva ba arguido kazu omisídiu hasoru nia oan-hakiak. Imajen/Natalino Costa

DILI, 28 dezembru 2021 (TATOLI)— Tribunál Distritál Dili, tersa ne’e (28/12), halo prosesu primeiru interrogatóriu hodi  aplika medida koasaun prizaun preventiva ba arguidu VS, ne’ebé  komete krime omísidiu simples hasoru nia ona-hakiak ho inisiál CED.

Kazu ne’e akontese iha aldeia Moris-foun, suku Comoro, munisípiu Dili, iha loron 21 dezembru 2021, ne’ebé Arguidu VS deskofia komete violasaun seksuál hasoru nia oan ho inisiál CD, ho idade 11, hafoin  baku mate tan vitima.

Hafoin Suspeitu halai sai hosi Timor-Leste bá Indonézia via terrestre liu dalan ilegál, Komandu Jerál Polísia Nasionál Timor-Leste (PNTL) liuhosi SIP (Servisu Informasaun Polísia) halo kedas koordenasaun intensivu ho Servisu Informasaun Polísia Indonézia Nusa Tenggara Timur (NTT) nian, ne’ebé menus hosi oras 72, suspeitu hetan kapturasaun iha rezidénsia familiar Kupang Timur, iha kinta (23/12), ne’ebe partense ba Polres Baubau.

Nune’e, Ministériu Públiku promove Arguidu VS ho krime omisídu simples ne’ebé previstu iha artigu 139 no aktu seksuál ba menór ne’eebé previstu iha artigu 177 hosi kódigu penál Timor-Leste nian.

Hafoin, Tribunál rona tiha deklarasaun arguidu nian, no iha alegasaun Ministériu Públiku husu tribunál atu aplika medida prizaun preventiva ba arguido tanba indisiu forte komete krime rua ne’e.

Advogadu Jonas Henrique, hateten, nia parte aseita ho medida ne’ebé Ministériu Públiku husu atu bele asegura arguidu hodi hein prosesu investigasaun ne’ebé sei tuir mai.

Audénsia julgamentu ne’e, prezide husi juíz titulár Maria Solana, MP reprezenta husi prokurador Antonio Tavares no arguidu hetan asisténsia legál hosi Defensór Públiku, Jonas Henrique.

Notísia relevante: Suspeitu kazu insestu-omisídiu submete ba prosesu legál iha Dili

Jornalista : Natalino Costa

Editora      :  Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here