Postu UPF iha liña fronteira Wefauk, postu administrativu Balibo, munisipiu Bobonaro. Imajen TATOLI/Eugénio Pereira

DILI, 26 Dezembru 2021 (TATOLI)–Komadante Unidade Patrullamentu Fronteira (UPF), Superintendente Polísia Euclides Belo, informa, durante selebrasaun natál unidade responsável ne’e la rejista ema tama no sai ilegál  iha fronteira terrestre.

“Iha loron 24 no 25 dezembru, ami la rejista sidadaun ida tama no sai ilegálmente iha fronteira. Ami hanesan ajente Polísia responsável sei kumpre nafatin ami-nia dever no obrigasaun  asegura seguransa iha liña fronteira, nune’e bele prevene ema labele hakat liu dalan ilegál,” Komadante UPF hateten ba Agência TATOLI, via telefónika, domingu ne’e.

Notísia relevante: Pasajen ilegál fronteira, ema na’in 420 submete ba MP

Durante loron boot, membru UPF sira kontinua hala’o serbisu no atendimentu ho di’ak, ne’ebé nota katak laiha problema seguransa iha liña fronteira.

Antes ne’e, iha setembru nia laran, Polísia Nasionál Timor-Leste (PNTL) konklui indentifikasaun ba timor-oan na’in-420 hodi submete na Ministériu Públiku (MP), ne’ebé antes ne’e autoridade Indonézia deporta ona ema na’in-719 tanba identifika hakat fronteira liu dalan ilegál.

Ba kestaun pasajen ilegál, Governu liuhosi Ministériu Interiór (MI) planeia atu konstrui postu PNTL iha fronteira terrestre hodi redúz pasajen ilegál.

Daudaun ne’e númeru postu iha fronteira hamutuk 30-resin, ne’ebé tuir planu sei aumenta tan 25.

 Jornalista : Natalino Costa

Editora       : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here