Administradór Munisípiu Viqueque, Januario Soares 'Boly'. Imajen/TATOLI

VIQUEQUE, 25 Dezembru (TATOLI)— Administradór Munisípiu Viqueque, Januario Soares “Bolly”, apela ba komunidade munisípiu Viqueque atu kria pás ou hakmatek hodi selebra Santo Natál 2021 no Tinan foun 2022.

“Ha’u haree, tama selebrasaun Natál situasaun jerál iha munisípiu Viqueque tomak la’o nomál. Tanba ne’e, ha’u husu nafatin ba komunidade sira hotu nafatin kria pás no establidade iha periodu natál no simu tinan foun 2022,” Adiministradór Bolly, hateten ba jornalista Agência TATOLI, iha ninia knaar fatin munisípiu Viqueque, sesta ne’e.

Maski, Adiministradór ne’e dehan, iha konflitu balun akontese hanesan violénsia domestika, maibé la fó risku boot ba selebrasaun loron boot ne’e.

“Ita tama ba tinan foun 2022 tenke halo serbisu makaas hodi atinje ema ida-idak ninia objetivu. Nune’e mós bele redús konflitu sira. Espera tama 2022 bele la’o iha pás no dame,” nia afirma.

Iha tinan 2022, nia dehan tama ona tinan polítika liuliu eleisaun prezidensiál ne’ebé barak mak sei hola parte, nune’e hametin pás no dame.

“Ita tama ona natál, ha’u lori munisípiu Viqueque hato’o deseja natál no bo’as entrada tinan foun ba povu Viqueque tomak,” Administradór hato’o.

Jornalista : Vitorino Lopes da Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here