Bus diresaun Viqueque. Imajen Tatoli//Vitorino Lopes

VIQUEQUE, 24 dezembru 2021 (TATOLI)-Tama loron natál no tinan foun implika mós movimentu komunidade nian husi kapitál ba munisípiu no munisípiu ba kapitál, vise-versa. Maske nune’e, presu tarifáriu ba pasajeiru sira liuliu ba bus diresaun Viqueque mantein normál hanesan baibain, entre 8 USD no 10 USD.

“Presu bus iha tempu natál no simu tinan foun ami-nia presu normál nafatin. Maske ohin loron ema barak hakarak pasa ferias ba foho, maibé ami nafatin mantein presu”, Ajudante bus Alan Love diresaun postu Uatulari-Dili, Octavio Endrique Guterres hateten ba agência Tatoli, iha Viqueque, sesta ne’e.

Nia dehan, presu uluk kada kadeira bus nian ida, ema ida selu $10 no agora mós nafatin $10 dolár. “Ami sente tempu loron boot ne’e pasajeru sente barak kompara ba loron baibain nian. Se loron babain presu nafatin, maibé ema laduun iha”.

Iha fatin seluk pasajeru, Edmundu Soares, haktuir presu kada ema ida hosi Dili mai postu Uatulari mafatin $10. “Presu bus nian ami sente sei normál, maibé bus maka susar tanba ema barak maka hakarak pasa férias ho família sira. Entaun ami tenki hadau-malu ho karreta mak foin bele fila,” nia realsa.

Enkuantu presu bis hosi Viqueque Villa, viajen ba Dili no fila hosi Dili kada ema ida selu $8.00.

Jornalista: Vitorino Lopes da Costa
Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here