Pároku Ave Maria Suai, Sebastião Eugénio da Cruz Correia. Imajen Tatoli /Celestina Teles.

COVALIMA, 24   dezembru 2021 (TATOLI)— Padre Pároku Igreja Ave Maria Suai, Sebastião Eugénio da Cruz Correia, hateten, espíritu Natál liuliu Jesus Kristu nia moris ne’e lori domin no dame ba timór-oan hotu atu hametin unidade ba dezenvolvimentu Timor-Leste.

“Jesus Kristu nia moris mai lori domin no dame iha natál ida ne’e, mai ita ida-idak mós lori domin no dame ba malu. Ida ne’e mak sentidu Natál sai furak no kmanek no sentidu natál nian ida ne’e bele transforma ita ba ksolok atu fó domin no dame ba malu hodi hametin unidade,” Padre Pároku ne’e haklaken liuhosi nia omília iha misa kalan Natál, sesta ne’e.

Notísia relevante: Prezidente Repúblika deseja feliz Natál ba povu no titulár órgaun soberania

Amu Sebastião dehan, Jesus Kristu nia prezensa iha loron bo’ot Natál ne’e atu transforma ema ki’ak, susar no terus iha ksolok no hela iha domin no dome nia laran.

“Ita selebra kalan kmanek Natál katak Kristu moris hodi fó maksoin ba ema hotu liuliu ema ki’ik, ki’ak, beik, matenke no riku,” Amu afirma.

Jesus Kristu moris la’ós iha fatin luxu, maibé moris iha balada han fatin ne’ebé la soi atu Maromak moris iha fatin ida ne’e, maibé atu fó solidaridade ba ema kbiit la’ek sira. 

“Kristu ida ne’e fó solidariedade tebes ho ita sira ne’ebé kbi’it la’ek, ita sira fo’er, ita sira ema riku no matenek haree la hetan . Tanba ita beik, foer no ki’ak mak Kristu moris fatin ne’e hodi hatudu nia Solidariedade ba ita,” Amu Pároku ne’e akresenta.

Hodi hatutan: “ida ne’e hanorin ita atu ita mós hatene fó solidariedade ho domin no dame atu halo karidade ba malu”.

Tuir observasaun Agência TATOLI tereñu nota iha selebrasaun misa loron 24 dezembru,  kalan, hetan seguransa másimu  husi autoridade seguransa sira. Nune’e selebrasaun ne’e ho ámbitu hakmatek.

Notísia relevante: Dom Virgílio: ukun na’in di’ak tenke hatene serbí povu

Jornalista : Celestina Teles

Editór       :  Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here